2Maû 6:6 - ÎVUKU RÎA ÛVORO MWARO

⁶ Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”

2Maû 6:6 ပူးပေါင်းရင်းမြစ်များ

2Atha 21:4

Nîwatumire metha cia kîgongoona hekarûrî ndaarî, kûrîa Ngai-Mûnene aaugîte atîrî, “Rîîtwa rîakwa rîkaagocagîrwa Jerusalemu.”

2Atha 21:7

Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

1Maû 17:5

Kuuma kavinda karîa naarutire andû a Isiraeli Misiri nginya ûmûnthî, ndianatûûra nyombarî îtumîtwe na mîtarakwe. Mbîthîrîtwe ngîthama kuuma îgemarî rîmwe kûthiî rîngî. Na kuuma gîkaro kîmwe kûthiî kîngî.

1Maû 17:7

“Kwoguo îra ndungata yakwa Daudi atî, Nie Ngai-Mûnene mwene vinya wonthe nakûrutire kûrîa warîthagia ng'ondu mîgûndarî na ngîgûtua wa kwatha andû akwa a Isiraeli.

1Maû 28:4

Kûnarî ûguo, Ngai-Mûnene, Ngai wa Isiraeli nîwanthuurire kuuma kûrî nyomba ya vava nduîke mûthamaki wa Isiraeli nginya tene na tene. Nîwathuurire mûvîrîga wa Juda umage atongoria na kuuma mûvîrîgarî wa Juda nîwathuurire nyomba yetû, na kuuma mûciî wa vava nîwakenirue nînie na akîndua mûthamaki wa Isiraeli.

2Maû 12:13

Rehoboamu nîwatuîkire mûthamaki wekindîrîtie Jerusalemu. Aatuîkire mûthamaki arî na ûkûrû wa mîaka mîrongo îna na ûmwe (41). Aathamakire îvinda rîa mîaka îkûmi na mûgwanja (17) arî Jerusalemu, îtûûra rîrîa Ngai-Mûnene aathuurîte gatagatîrî ka mîvîrîga yonthe vûrûrirî wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma vûrûrirî wa Aamoni.

2Maû 20:8

Nîmaatûûrire vûrûrirî ûyû na magîgûtumîra hekarû nîguo ûgoocagîrwe kuo na makiuga atî,

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

2Maû 33:4

Nîwatumire metha cia magongoona cia ngai cia mîvuanano hekarûrî kûrîa Ngai-Mûnene aaugîte atîrî, “Jerusalemu nîkuo ngûtûûra ngoocagîrwa tene na tene.”

2Maû 6:20

Menyagîrîra hekarû îno ûtukû na mûthenya nîûndû nîweranîre atî gûkû nîkuo ûkaagoocagîrwa. Îgucaga mavoya makwa rîrîa ngûkûvoya mberekerete hekarû îno.

2Maû 6:5

‘Kuuma rîrîa naarutire andû akwa vûrûrirî wa Misiri, ndianathuura îtûûra wanarî rîmwe vûrûrirî wonthe wa Isiraeli kûrîa kûngîtumwa hekarû atî nîguo ngoocagîrwe kuo, kana nthuura mûndû wanarî ûmwe wa gûtongoria andû akwa, Aisiraeli.

2Maû 7:16

nîûndû nî nthuurîte na ngamûra hekarû îno nîguo rîîtwa rîakwa rîtûûrage kuo na nîndûûra nîmîgitagîra na nîmîendete tene na tene.

Ezira 7:16

Thaavu na sîlûva cionthe irîa ûkaaûngania vûrûrirî wa Babuloni nîûkaathiî nacio. Wana indo irîa andû a Isiraeli na athînjîri-Ngai makaaruta nîûndû wa hekarû îrîa îrî Jerusalemu ya Ngai wao.

Thaburi 122:2

Rîu nîkuo tûrûngamîte, ivingorî ciaku, we Jerusalemu!

Thaburi 132:13

Ngai-Mûnene nîathuurîte Zayuni; nîonete kwagîrîrîte gûtuîke gîkaro gîake.

Thaburi 48:1

Ngai-Mûnene nî mûnene na nîwagîrîrwe nî gûkumua mûno, îtûûrarî rîa Ngai wetû, kîrîmarî gîake kîtheru.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Isaia 14:32

Anjaama arîa makaauma vûrûrirî ûcio magaacokerua atîa? Makerwa atî, Ngai-Mûnene nîatumîte îtûûra rîa Zayuni, kûu nîkuo andû ake arîa marî na thîna maûragîra.

Zakaria 2:12

Vûrûri wa Juda nîûgaatuîka îgai rîa Ngai-Mûnene kûu vûrûrirî ûrîa mûtheru, na nîakaathuura rîngî îtûûra rîa Jerusalemu rîtuîke rîake.

Zakaria 3:2

Nake mûraika wa Ngai-Mûnene nîwamwîrire atîrî, “Ngai-Mûnene arogûkûûma we Caitani! Ngai-Mûnene ûrîa ûthuurîte îtûûra rîa Jerusalemu arogûkûûma! Anga mûndû ûyû ndekariî ta karûkû gagîakana karutîtwe mwakirî?”

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”