2Maû 6:5 - ÎVUKU RÎA ÛVORO MWARO

⁵ ‘Kuuma rîrîa naarutire andû akwa vûrûrirî wa Misiri, ndianathuura îtûûra wanarî rîmwe vûrûrirî wonthe wa Isiraeli kûrîa kûngîtumwa hekarû atî nîguo ngoocagîrwe kuo, kana nthuura mûndû wanarî ûmwe wa gûtongoria andû akwa, Aisiraeli.

2Maû 6:5 ပူးပေါင်းရင်းမြစ်များ

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

2Atha 21:4

Nîwatumire metha cia kîgongoona hekarûrî ndaarî, kûrîa Ngai-Mûnene aaugîte atîrî, “Rîîtwa rîakwa rîkaagocagîrwa Jerusalemu.”

1Maû 17:5

Kuuma kavinda karîa naarutire andû a Isiraeli Misiri nginya ûmûnthî, ndianatûûra nyombarî îtumîtwe na mîtarakwe. Mbîthîrîtwe ngîthama kuuma îgemarî rîmwe kûthiî rîngî. Na kuuma gîkaro kîmwe kûthiî kîngî.

2Maû 12:13

Rehoboamu nîwatuîkire mûthamaki wekindîrîtie Jerusalemu. Aatuîkire mûthamaki arî na ûkûrû wa mîaka mîrongo îna na ûmwe (41). Aathamakire îvinda rîa mîaka îkûmi na mûgwanja (17) arî Jerusalemu, îtûûra rîrîa Ngai-Mûnene aathuurîte gatagatîrî ka mîvîrîga yonthe vûrûrirî wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma vûrûrirî wa Aamoni.

2Maû 20:8

Nîmaatûûrire vûrûrirî ûyû na magîgûtumîra hekarû nîguo ûgoocagîrwe kuo na makiuga atî,

2Maû 20:9

thîna ûngîgaaûka, mbaara, mûthiro, mûrimû kana yûra, nîmagaaûka marûngame mbere yaku gûkû hekarûrî îno ûgoocagîrwa. Nîmagaagûkaîra marî mathînarî nawe nîûkaamegua na ûmavonokie.

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

2Maû 33:4

Nîwatumire metha cia magongoona cia ngai cia mîvuanano hekarûrî kûrîa Ngai-Mûnene aaugîte atîrî, “Jerusalemu nîkuo ngûtûûra ngoocagîrwa tene na tene.”

2Maû 33:7

Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.

2Maû 6:20

Menyagîrîra hekarû îno ûtukû na mûthenya nîûndû nîweranîre atî gûkû nîkuo ûkaagoocagîrwa. Îgucaga mavoya makwa rîrîa ngûkûvoya mberekerete hekarû îno.

2Maû 6:4

Nîwaugire atîrî, “Kumiani Ngai-Mûnene, Ngai wa Isiraeli! Ke nîavingîtie kîîranîro kîrîa erîîre vava Daudi rîrîa aamwîrire atî,

2Maû 6:6

Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”

2Maû 7:16

nîûndû nî nthuurîte na ngamûra hekarû îno nîguo rîîtwa rîakwa rîtûûrage kuo na nîndûûra nîmîgitagîra na nîmîendete tene na tene.

Ezira 7:16

Thaavu na sîlûva cionthe irîa ûkaaûngania vûrûrirî wa Babuloni nîûkaathiî nacio. Wana indo irîa andû a Isiraeli na athînjîri-Ngai makaaruta nîûndû wa hekarû îrîa îrî Jerusalemu ya Ngai wao.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 23:21

Mûthikagîrîrieni na mûmwathîkagîre na mûtikamûkararie. Mwaregana nake ndakaamûrekera nîûndû nînie nîmûtûmîte.

Danieli 9:19

We Ngai-Mûnene tûthikîrîrie! We Ngai-Mûnene twovere! We Ngai-Mûnene twîgue na wîke ûndû! We Ngai wakwa ndûgacererwe ûgîûka îtûûra rîîrî. Îtûûra rîîrî na andû aya nî aku.

Zakaria 3:2

Nake mûraika wa Ngai-Mûnene nîwamwîrire atîrî, “Ngai-Mûnene arogûkûûma we Caitani! Ngai-Mûnene ûrîa ûthuurîte îtûûra rîa Jerusalemu arogûkûûma! Anga mûndû ûyû ndekariî ta karûkû gagîakana karutîtwe mwakirî?”

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

1Sam 10:24

Nake Samueli nîwerire andû acio engî onthe atîrî, “Mûndû mûrûme ûyû mûrona ava nîke Ngai-Mûnene athuurîte! Gûtirî mûndû wîngî gatagatîrî getû wîkariî take.” Nao andû onthe makiugîrîria na makiuga atîrî, “Mûthamaki wetû ûrotûûratûûra!”

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”