2Maû 6:41 - ÎVUKU RÎA ÛVORO MWARO

⁴¹ Rîu Ngai-Mûnene, Ngai nîngûkûthaitha ûûke ûtonye vandû ava tûgûtumîrîte na twigîte îthandûkû rîaku rîa kîrîkanîro rîrîa rîonanagia vinya waku. We Ngai-Mûnene, Ngai, nakûvoya atî rîrîa athînjîri-Ngai aku manîrîra ûvonokio waku, andû aku amûre makenage nî maûndû maku maro.

2Maû 6:41 ပူးပေါင်းရင်းမြစ်များ

1Maû 28:2

Mûthamaki Daudi nîwamerire atîrî, “Tanthikîrîriani andû etû. Nînîrendete gûtuma nyomba ya kwigwa îthandûkû rîa kîrîkanîro Kîam Ngai-Mûnene, Ngai wetû na va kwigwa gaturwa ka magûrû make, na nînavarîrîrie gûtuma.

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Thaburi 110:2

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”

Thaburi 132:16

Nîngecûria athînjîri-Ngai a kuo ûvonokio, nao andû a kuo nîmakaanîrîra nî gûkena.

Thaburi 65:11

Wega waku nîûvecanaga maketha meengî; kûrîa kuonthe ûvîtûkagîrîra kwîthagîrwa kûrî na indo nyîngî.

Thaburi 65:4

Kûrathimwa nî arîa ûthuurîte, arîa ûretaga nîguo matûûre hekarûrî yaku. Nîtûgaakenera maûndû maro marîa ma nyomba yaku, irathimo cia hekarû yaku ntheru.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Isaia 61:6

Nwatî mue mûgeetagwa athînjîri-Ngai a Ngai-Mûnene, andû makaamwîtaga Ndungata cia Ngai wetû. Mûkaarîcaga ûtonga wa ndûrîrî, na mwîkenagie naguo.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Zakaria 9:17

Kaî makethîrwa marî aro na athaka-î! Andû ethî nîmakaagîcaga na vinya nîûndû wa ngano na ndivei.

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Aroma 13:14

Nwatî îkîrani Mwathani Jesû Kristû arî take indo cienyu cia mbaara, na mûtige kwîthînia nîûndû wa mîîrî yenyu îrîa îvagia atî nîguo mûvingie maûndû marîa îriragîria.

Agal 3:27

Mue arîa mûvatithîtue na mûgatuîka kîndû kîmwe na Kristû nîmûtuîkîte take.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

Josh 3:13

Athînjîri-Ngai arîa makuuîte îthandûkû rîa Kîrîkanîro Kîam Ngai-Mûnene wa nthî makaathiî marî mbere yenyu. Rîrîa magûrû mao magaakinya manjî, rûnjî rwa Jorodani nîrûgaatiga kûthiî. Manjî marîa maranyûrûrûka makeyûmbanîrîra vandû vamwe.”

Kûguû 19:14

Nayo mbûtû ya athigari a îgûrû nîmaamûrûmîrîre mekarîrîte mbarathi cia rangi njerû, na mekîrîte nguo cia hariri ntheru cia rangi njerû.

Kûguû 19:8

Ke nîmûnengere nguo mbaro ya hariri îravenavenia ya gwîkîra.” (Nguo mbaro nî ciîko mbaro irîa andû a Ngai mekaga.)