2Maû 6:33 - ÎVUKU RÎA ÛVORO MWARO

³³ ûkaamwîgua ûrî kûu gwaku îgûrû. Ûcoke ûvingîrie mûgeni ûcio mavoya make nîguo andû onthe a nthî makûmenye na magwîtigîre wata ûrîa andû aku a Isiraeli magwîtigîrîte na mamenye atî hekarû îno ndumîte îtanîtue na rîîtwa rîaku.

2Maû 6:33 ပူးပေါင်းရင်းမြစ်များ

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

2Maû 6:34

“Vîndî îrîa andû aku makaathiî kûrûa na nthû ciao, na marî wa kûrîa kuonthe ûkethîrwa ûmavirîte makûvoe merekerete îtûûra rîîrî ûthuurîte na hekarû îno îtanîtue na rîîtwa rîaku,

2Maû 7:14

ethîrwa andû akwa arîa metanîtue na rîîtwa rîakwa nîmakaavera, mavoe na magarûrûke matige mîthiîre yao mîcûku, nîngaamegua nîrî îgûrû na nîngaamovera mevia mao na mvonie vûrûri wao.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Thaburi 67:2

nîguo andû a nthî yonthe mamenye wendi waku; na mavûrûri monthe mamenye ûvonokio waku.

Thaburi 86:9

Ndûrîrî cionthe irîa waûmbire nîigaaûka ikûgooce, we Mwathani; na nîikaanîrîra ûnene wa rîîtwa rîaku.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Jeremia 10:7

Nû ûtangîgwîtigîra we mûthamaki wa mavûrûri? We nîwagîrîrwe nî gûtîewa, nîûndû gatagatîrî ka andû arîa aûgî onthe a mavûrûri, na gatagatî ka athamaki ao onthe, gûtirî wîkariî tawe.

Ndari 6:27

Ngai-Mûnene nîwaugire atîrî, “Mangîkaarathima andû a Isiraeli makîgwetaga rîîtwa rîakwa, nîngaamarathima.”

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

1Sam 17:46

Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.