2Maû 6:32 - ÎVUKU RÎA ÛVORO MWARO

³² “Vîndî îrîa mûgeni ûtarî ûmwe wa andû aku a Isiraeli agaaûka aumîte vûrûri wa kûraca nîûndû nîeguîte ngumo ya rîîtwa rîaku, vinya waku na ûgitîri waku, aûke gûkûvoya arî hekarûrî îno,

2Maû 6:32 ပူးပေါင်းရင်းမြစ်များ

2Atha 5:15

Nîwacokire marî na ndungata ciake kûrî mûrathi Elisha na akîra Elisha atîrî, “Rîu nînamenya atî gûkû nthî kuonthe gûtirî ngai îngî tiga Ngai wa Isiraeli. Kwoguo nakûthaitha wamûkîre kîveo kuuma kûrî nie.”

2Atha 5:3

Mûthenya ûmwe mwîrîtu ûcio nîwerire mûndûmûka ûcio mwathi wake atîrî, “Narî kethîrwa mwathi wakwa nwa athiî kûrî mûrathi ûrîa ûtûûraga Samaria! Ûcio nwa amûvonie mûrimû ûcio wake mûcûku wa ngothi.”

2Atha 5:8

Nwatî rîrîa mûrathi Elisha eegwire atî mûthamaki wa Isiraeli nîatembûrangîte nguo ciake, nîwatûmanire kûrî ke akerwe atîrî, “Ûrakarîtue ûguo nî ndûî? Mwîre aûke kûrî nie wa rîu na nîakûmenya atî gûkû Isiraeli kûrî na mûrathi!”

2Maû 6:31

nîguo andû aku magwîtigagîre na makwathîkagîre vîndî cionthe rîrîa magûtûûra vûrûrirî ûyû waveere methe metû.

Thaburi 136:12

na vinya wake na ûvoti mwîngî; nîûndû wendo wake ûtathiraga ûtûûraga tene na tene.

Thaburi 89:13

We ûrî vinya, we ûrî vinya na nîûvootanîte.

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Isaia 66:20

Nîmakaaûngania andû onthe a rûrîrî rwenyu kuuma ndûrîrîrî cionthe mamarete kûrî nie Ngai-Mûnene marî îtega. Makaamarete makuuîtwe na mbarathi, ikaari cia mbarathi, mataratî, nyûmbû, na ngamîîra kîrîmarî gîakwa kîrîa kîtheru kûu Jerusalemu, wata ûrîa Aisiraeli maretage irio ciao cia mîgûnda nyombarî ya Ngai-Mûnene maciîkîrîte ciondorî ino ntheru.

Zakaria 8:22

Andû eengî na mavûrûri marî na vinya nîmagaaûka Jerusalemu kûngooca nie Ngai-Mûnene mwene vinya wonthe na kûvoya irathimo.

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Mathaayo 2:1

Jesû aaciarîrwe îtûûrarî rîa Bethilehemu, vûrûrirî wa Judea vîndî îrîa Herode aathanaga kuo. Na vîndî îrîa aaciarirwe andû arîa maarî na ûgî wa njata, arîa maaumîte mwena wa îrathîro nîmaakinyire Jerusalemu

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Johana 12:20

Kwarî Angiriki maarî gatagatîrî ka andû arîa maathiîte îtûûrarî rîa Jerusalemu kûgooca Ngai vîndî ya Kîrugo Kîam pasaka.

Ciîko 2:10

Furegia na Pamufilia, kuuma Misiri na kuuma vûrûri wa Lîbia kûrîa gûkuvî na Kurene. Amwe etû twî a kuuma Roma,

Josh 2:9

na akîmera atîrî, “Nîmbicî atî Ngai-Mûnene nîavecanîte vûrûri ûyû kûrî mue. Nao andû arîa onthe matûûraga vûrûrirî ûyû marî na guoya nyîngî mûno nîûndû wenyu.

Josh 9:9

Nao nîmaacokerie Joshua atîrî, “Mwathi wetû tue tumîte vûrûri wa kûraca mûno. Tûkîte nîûndû nîtwîguîte ngumo ya Ngai-Mûnene, Ngai wenyu. Nîtwîguîte ûvoro wa maûndû marîa monthe eekire vûrûrirî wa Misiri.

Ruthu 1:16

Nwatî Ruthu nîwerire Naomi atîrî, “Tiga kûningîrîria ngûtige, atî nîguo tûtikathiî nawe, nîûndû kûrîa ûkaathiî nîkuo ngaathiî; na kûrîa ûgaatûûra nîkuo ngaatûûra. Andû enyu nîo magaatuîka andû akwa, nake Ngai waku nîke ûgaatuîka Ngai wakwa.