2Maû 6:20 - ÎVUKU RÎA ÛVORO MWARO

²⁰ Menyagîrîra hekarû îno ûtukû na mûthenya nîûndû nîweranîre atî gûkû nîkuo ûkaagoocagîrwa. Îgucaga mavoya makwa rîrîa ngûkûvoya mberekerete hekarû îno.

2Maû 6:20 ပူးပေါင်းရင်းမြစ်များ

2Atha 19:16

Vingûra metho maku we Ngai-Mûnene, na ûthikîrîrie ciugo cionthe irîa Senakeribu atûmanîte cia gûkûruma we, Ngai ûrîa ûtûûraga mwoyo.

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 20:9

thîna ûngîgaaûka, mbaara, mûthiro, mûrimû kana yûra, nîmagaaûka marûngame mbere yaku gûkû hekarûrî îno ûgoocagîrwa. Nîmagaagûkaîra marî mathînarî nawe nîûkaamegua na ûmavonokie.

2Maû 6:19

Kûnarî ûguo, we Ngai-Mûnene, Ngai wakwa nakûthaitha ûthikîrîrie mavoya makwa nie ndungata yaku na ûmve kîrîa nîrakûvoya.

2Maû 6:40

“Rîu we Ngai wakwa, tûrorie na ûthikîrîrie mavoya marîa tûkûvoya tûrî ava.

2Maû 6:5

‘Kuuma rîrîa naarutire andû akwa vûrûrirî wa Misiri, ndianathuura îtûûra wanarî rîmwe vûrûrirî wonthe wa Isiraeli kûrîa kûngîtumwa hekarû atî nîguo ngoocagîrwe kuo, kana nthuura mûndû wanarî ûmwe wa gûtongoria andû akwa, Aisiraeli.

2Maû 6:6

Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”

2Maû 7:15

Nîngagitîra hekarû îno na mbîgue mavoya marîa makaavoya marî ava,

Nehemia 1:6

Nthikîrîria na wîgue ngîkûvoya ûtukû na mûthenya nîûndû wa ndungata ciaku, andû a Isiraeli. Nîngumbûra atî tue andû a Isiraeli, nîtwîvîtie.

Thaburi 121:5

Ngai-Mûnene nîke mûgitîri waku; nîke mwîgunyî waku arî mwena waku wa ûrîo.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 34:15

Ngai-Mûnene aroragia andû arîa athingu, na nîathikagîrîria kîrîro Kîamo.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 26:2

wa mûndû nîagooca maketha mamwe ma mbere ma indo cionthe irîa akethîrwa akethete vûrûrirî ûrîa Ngai-Mûnene, Ngai wenyu akûmûva, amekîre gîkavurî na amavire varîa Ngai-Mûnene, Ngai wenyu athuurîte va kûgoocagîrwa.

Akol 2:9

Nîûndû Kristû ethagîrwa arî na ûngai mwîcûru ûmûndûrî wake.