2Maû 6:16 - ÎVUKU RÎA ÛVORO MWARO

¹⁶ Rîu we Ngai-Mûnene, Ngai wa Isiraeli, vingia kîîranîro kîrîa werîre vava Daudi ndungata yaku. Wamwîrire atî vîndî cionthe nî gûkethagîrwa kûrî na mûndû kuuma njiarwarî ciake wa gwîkarîra gîtî Kîam ûthamaki Kîam Isiraeli ethîrwa nî igûtûûra ciathîkagîra watho waku ta ûrîa ke eekaga.

2Maû 6:16 ပူးပေါင်းရင်းမြစ်များ

1Atha 2:4

Ngai-Mûnene akaavingia kîîranîro gîake kîrîa aambîrîîre atî njiarwa ciakwa nîikaatha Isiraeli ethîrwa nîikaavingia mawatho marîa nîmavete na methagîrwe marî evokeku kûrî nie na ngoro ciao cionthe na mîoyo yao yonthe.

1Atha 6:12

“Ûvoro wîgiî nyomba îno ûratuma, ethîrwa ûkarûmagîrîra kîrîra gîakwa na wathîkagîre maathani makwa monthe na ûvingagie ûrîa maugîte, nîngaakûvingîria ûrîa neerîîre aguo Daudi.

2Maû 13:5

Nîkwa mûtaicî atî, Ngai-Mûnene, Ngai wa Isiraeli nîwarûthire kîrîkanîro gîtangiunwa na Daudi atî, athamaki onthe a Isiraeli nîmatûûra maumaga njiarwarî ciake tene na tene?

2Maû 21:7

Kûnarî ûguo, Ngai-Mûnene ndaathiria wathani wa Daudi nîûndû nîwarûthîte kîrîkanîro nake, atî njiarwa ciake nîitûûra ciathanaga tene na tene.

2Maû 23:3

Andû acio onthe nîmaagomanire vamwe hekarûrî na makîrûtha kîrîkanîro na Joashi mûvîcî wa mûthamaki. Nake Jehoiada nîwamerire atîrî, “Ûyû nîke mûvîcî wa mûthamaki! Tigani atuîke mûthamaki wata ûrîa Ngai-Mûnene eeranîrîte ûvoro wîgiî njiarwa cia Daudi.

2Maû 6:17

Kwoguo, we Ngai-Mûnene, Ngai wa Isiraeli, tûma kîîranîro gîaku na Daudi ndungata yaku kîvinge.

2Maû 7:17

Nawe Solomoni, ethîrwa ûkaathiîcaga na mîthiîre ta îrîa yarî na aguo Daudi na ûrûmagîrîre mawatho makwa na wîkage kûringana na ûrîa ngwathîte,

2Maû 7:18

nîngaatûma ûthamaki waku wîvande wata ûrîa naarîkanîre na aguo Daudi atî, Isiraeli nîgûtûûra kwathagwa nî njiarwa ciake.

Thaburi 119:1

Kûrathimwa nî andû arîa marî mîthiîre mîrûngîrîru; arîa marûmagîrîra watho wa Ngai-Mûnene.

Thaburi 119:9

Nî atîa mûndû mwîthî angîvota kwiga ûtûûro wake ûrî mûtheru? Nî na njîra ya kûrûmîrîra maathani maku.

Thaburi 132:11

Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

Thaburi 132:12

Ethîrwa ciana ciaku nîikaavingia kîrîkanîro gîakwa, na maathani makwa marîa ngaamathomithia, anake ao wanao magaatuîka athamaki tawe.”

Thaburi 26:3

Nîûndû nîndongoragua nî wendo waku ûtathiraga, ndûûraga ngûrûmîrîrîte nîrî na wîvokeku.

Ezek 36:37

Mwathani Ngai-Mûnene arauga atîrî, “Nîngetîkîria andû a Isiraeli mamvoe nîmatethie na nîngaatûma andû ao mongerereke ta ndîthia ya ng'ondu.