2Maû 6:11 - ÎVUKU RÎA ÛVORO MWARO

¹¹ Kûu hekarûrî nîmbigîte îthandûkû rîa kîrîkanîro rîrî na ivengere cia Maathani ma Ngai-Mûnene marîa aarîkanîre na andû a Isiraeli.”

2Maû 6:11 ပူးပေါင်းရင်းမြစ်များ

1Atha 8:21

Nîndumîte vandû va kwiga îthandûkû rîa kîrîkanîro Kîam Ngai-Mûnene. Kîrîkanîro kîu nîkîo Ngai-Mûnene aarûthire na methe metû rîrîa aamarutire vûrûrirî wa Misiri.”

1Atha 8:9

Gûtiarî kîndû ndaarî ya îthandûkû rîa kîrîkanîro tiga ivengere igîrî cia mathiga irîa Musa eekîrire kuo arî Horebu. Musa aaciîkîrire kuo rîrîa Ngai-Mûnene aarûthire kîrîkanîro na andû a Isiraeli rîrîa maaumaga vûrûrirî wa Misiri.

2Maû 5:10

Îthandûkûrî rîa kîrîkanîro gûtiarî kîndû kîngî tiga ivengere igîrî cia mathiga irîa ciekîrirwe kuo nî Musa marî Kîrîmarî gîa Sinai. Rîrîa andû a Isiraeli maaumaga Misiri, vau Kîrîmarî gîa Sinai nîvo Ngai-Mûnene aarûthîre kîrîkanîro na andû a Isiraeli.

2Maû 5:7

Kwoguo athînjîri-Ngai nîmaakuuire îthandûkû rîa kîrîkanîro na makîrîvira hekarûrî makîrîtonyia vandû varîa vatheru mûno varîa vaarûthîtwe nîûndû wa rîo rungu rwa akerubi.

2Maû 6:10

“Ngai-Mûnene nîavingîtie kîîranîro gîake kîrîa eeranîre. Nie nînduîkîte mûthamaki wa andû a Isiraeli vuva wa vava Daudi wata ûrîa Ngai-Mûnene eeranîre na nîndumîte hekarû ya kûgoocagîra Ngai-Mûnene, Ngai wa Isiraeli.

2Maû 6:12

Solomoni nîwacokire akîrûngama mbere ya metha ya kîgongoona na mbere ya andû onthe a Isiraeli arîa maagomanîte na agîûkîrîria njara ciake.

Thaburi 50:5

Arauga atîrî, “Nyûnganîria andû arîa evokeku maûke kûrî nie, arîa naarûthire kîrîkanîro nao na njîra ya kîgongoona.”

Ntha 40:20

Nîwacokire agîoca ivengere irîa igîrî cia mathiga na agîciîkîra îthandûkûrî rîa kîrîkanîro. Agîkîra mîtî ya gûkuua îthandûkû icûvîrî ciarîo na akigîrîra gîkunîko îgûrû rîarîo.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.