2Maû 5:13 - ÎVUKU RÎA ÛVORO MWARO

¹³ Aini a nyîmbo, ngita, ithaani irîa iringithanagua, tûrumbeta na indo irîa ciîngî cia kwina nîmaagwatanîre na makina na mûgambo ûmwe magîkumia Ngai-Mûnene na kûmûcokeria ngatho makiugaga atîrî, “Kumiani Ngai-Mûnene nîûndû nî mwaro, wendo wake ûtathiraga nî wa tene na tene.” Hekarû ya Ngai-Mûnene nîyecûrirwe nî îtu,

2Maû 5:13 ပူးပေါင်းရင်းမြစ်များ

1Maû 16:4

Daudi nîwathuurire Alawi amwe na akîmava wîra wa gûtongoria kûgooca Ngai-Mûnene, gûcokia ngatho na kwina nyîmbo cia gûkumia Ngai-Mûnene, Ngai wa Isiraeli marî mbere ya îthandûkû rîa kîrîkanîro.

2Maû 20:21

Mûthamaki Jehoshafati arîkia kwaranîria na andû, nîwathuurire andû a kwina na akîmatha mekîre nguo cia nyîmbo, macoke mathiî marî mbere ya athigari a mbaara makinaga atîrî, “Cokeriani Ngai-Mûnene ngatho! Nîûndû wendo wake ûtathiraga nî wa tene na tene!”

2Maû 20:22

Rîrîa maambîrîrie kwina, Ngai-Mûnene nîwatûmire athigari a mbaara a Aamoni, Moabu na a Edomu arîa maaûkîte kûtharîkîra andû a Juda mavîngîcîke na nîmaavootirwe.

2Maû 7:1

Rîrîa mûthamaki Solomoni aarîkirie kûvoya, mwaki nîwanyûrûrûkire kuuma îgûrû na ûkîvîvia magongoona na matega marîa maarutîtwe. Naguo riiri wa Ngai-Mûnene nîwecûrire hekarûrî.

2Maû 7:2

Athînjîri-Ngai nîmaaremirwe nî gûtonya hekarûrî nîûndû nîyecûrîtwe nî riiri wa Ngai-Mûnene.

2Maû 7:3

Rîrîa andû a Isiraeli moonire mwaki wanyûrûrûka kuuma îgûrû na riiri wa Ngai-Mûnene ûrî îgûrû rîa hekarû, nîmaaturirie maru na magîturumithia mothiû mao vau vaarîtwe mathiga na makîgooca Ngai-Mûnene makiuga “Ke nî mwaro, wendo wake ûtathiraga nî wa tene na tene.”

2Maû 7:6

Athînjîri-Ngai nîmaarûngamire varîa maavangîrîtwe marûngame, nao Alawi makîrûngama magîkumagia Ngai-Mûnene na indo cia nyîmbo irîa mûthamaki Daudi aarûthîte makiugaga atîrî, “Wendo wa Ngai-Mûnene ûtathiraga nî wa tene na tene!” Maainire ûguo wata ûrîa maathîtwe nî Daudi. Athînjîri-Ngai maavuvaga tûrumbeta nao andû onthe a Isiraeli marûngamîte.

Ezira 3:11

Nîmaainire nyîmbo cia gûkumia Ngai-Mûnene makiugaga atîrî, “Ngai-Mûnene nî mwaro, wendo wake ûtathiraga kûrî andû a Isiraeli nî wa tene na tene.” Andû onthe nîmaaugîrîrie na vinya wata ûrîa mangîavotire, magîkumagia Ngai-Mûnene nîûndû wîra wa gûtuma mûcingi wa hekarû nîwambîrîrîtue.

Nehemia 12:27

Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

Thaburi 100:5

Nîûndû Ngai-Mûnene nî mwaro; wendo wake ûtathiraga ûtûûraga tene na tene, wîvokeku wake ûkinyagîra njiarwa cionthe.

Thaburi 106:1

Kumiani Ngai-Mûnene! Kumiani Ngai-Mûnene nîûndû nî mwaro; nîûndû wendo wake ûtathiraga ûtûûraga tene na tene.

Thaburi 107:1

“Cokeriani Ngai-Mûnene ngatho, nîûndû nî mwaro; nîûndû wendo wake ûtathiraga nîwa tene na tene!”

Thaburi 118:1

Cokeriani Ngai-Mûnene ngatho nîûndû nî mwaro; nîûndû wendo wake ûtathiraga ûtûûraga tene na tene.

Thaburi 150:3

Mûkumieni na mîgambo ya tûrumbeta; mûkumieni na ngita na mîtûrirû.

Thaburi 150:5

Mûkumieni na ithaani irîa iringithanagua, mûkumieni na ithaani irîa iringithanagua ikagamba, ikagamba na vinya mûno!

Thaburi 22:4

Methe metû nîmaagwîtîkîtie, nîmaagwîtîkîtie na nîwamavonokirie.

Thaburi 81:2

Inani rwîmbo mûkîvûraga tamburini, vûrani inanda na ngita irîa îgambaga waro.

Ntha 29:43

Nîngaatûngana na andû akwa a Isiraeli vau, na vinya wa riiri wakwa nîûgaatûma vandû vau vatuîke vatheru.

Isaia 52:8

Tegueni mûgambo wa arangîri aku, maraina vamwe nî gûkena! Nîûndû nîmareyonera na metho mao o ene, gûcoka kwa Ngai-Mûnene îtûûrarî rîa Zayuni!

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Jeremia 33:11

andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”

Ciîko 4:32

Etîkia onthe maarî na ngwatanîro ya ngoro na meciria. Gûtirî mûndû wana ûmwe gatagatîrî kao waugaga atî arî na kîndû gîake arî wenga. Maatûmagîra indo ciao cionthe marî vamwe.

Aroma 15:6

nîguo muonthe mûrî kîndû kîmwe, mûgoocage Ngai na Îthe wa Mwathani wetû Jesû Kristû.

Kûguû 15:8

Nayo hekarû nîyecûrirwe nî ndogo kuuma kûrî riiri na vinya wa Ngai. Gûtirî mûndû ûngîavotire gûtonya hekarûrî îo nginya rîrîa mavera mau mûgwanja marîa maaretirwe nî araika acio mûgwanja maathirire.