2Maû 5:12 - ÎVUKU RÎA ÛVORO MWARO

¹² Alawi arîa maarî aini a nyîmbo na nîo Asafu, Hemani, Jeduthuni, anake ao vamwe na andû ao nîmaarûngamire mwena wa îrathîro wa metha ya kîgongoona mekîrîte nguo mbaro. Nîmaavûraga indo cia kwina ta: ithaani irîa iringithanagua na ngita. Athînjîri-Ngai îgana rîmwe rîa mîrongo îîrî (120) nîmaarûngamire vamwe nao makîvuvaga tûrumbeta.

2Maû 5:12 ပူးပေါင်းရင်းမြစ်များ

1Maû 13:8

Daudi na andû onthe nîmeinagia na vinya wao wonthe magîkumagia Ngai. Nîmaainaga makîvûraga indo cia kwina ta ngita, ndarama, ithaani irîa iringithanagua na tûrumbeta.

1Maû 15:24

Nao athînjîri-Ngai, Shebania, Joshafati, Nethanieli, Amasai, Zekaria, Benaia na Eliezeri nîmaathuurirwe matuîke a kûvuva tûrumbeta marî mbere ya îthandûkû rîa kîrîkanîro. Obedi-edomu na Jehia wanao maarî arangîri a îthandûkû rîa kîrîkanîro.

1Maû 15:27

Daudi nîwekîrîte nguo ndaca yatumîtwe na gîtambaa Kîamro na agekîra efodi ya gîtambaa Kîamro. Aini a nyîmbo na Kenania mûtongoria wao wanao nîmeekîrîte nguo ndaca ciatumîtwe na gîtambaa Kîamro.

1Maû 23:30

wîra wa gûkumia Ngai-Mûnene na kûmûva riiri vîndî cionthe, kîraûko na kîvwaî.

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

1Maû 6:33

Aya marûmîrîrîte nî andû arîa maatungataga vamwe na njiarwa ciao. Mbarî ya Kohathu kwarî na Herimani na aarî mûtongoria. Herimani aarî mûvîcî wa Joeli, Joeli aarî mûvîcî wa Samueli.

1Maû 6:39

Kwarî na mûndû wîngî wetagwa Asafu ûrîa watethagîrîria Herimani. Nacio njiarwa ciake ciarûmanîrîrîte ta ûû: Asafu aarî mûvîcî wa Berekia, Berekia aarî mûvîcî wa Shimea.

2Maû 29:25

Mûthamaki Hezekia nîwarûmîrîre maûndû marîa Ngai-Mûnene aathîte mûthamaki Daudi na njîra ya Gadi ûrîa warî mwoni maûndû ma mûthamaki na mûrathi Nathani. Kwoguo nîwaigire Alawi hekarûrî marî na mîtûrirû, ngita na ithaani irîa iringithanagua kûringana na ûrîa Ngai-Mûnene aathanîte na njîra ya arathi ake.

2Maû 29:26

Alawi nîmaarûngamire marî na indo cia kwina cia Daudi, nao athînjîri-Ngai marî na tûrumbeta.

2Maû 7:6

Athînjîri-Ngai nîmaarûngamire varîa maavangîrîtwe marûngame, nao Alawi makîrûngama magîkumagia Ngai-Mûnene na indo cia nyîmbo irîa mûthamaki Daudi aarûthîte makiugaga atîrî, “Wendo wa Ngai-Mûnene ûtathiraga nî wa tene na tene!” Maainire ûguo wata ûrîa maathîtwe nî Daudi. Athînjîri-Ngai maavuvaga tûrumbeta nao andû onthe a Isiraeli marûngamîte.

Thaburi 149:3

Kumiani rîîtwa rîake mûkîinagia, nîmamwinîre na nduramu na mîtûrirû!

Thaburi 50:1

Ngai-Mûnene, Ngai mwene vinya wonthe nîararia; nîareta andû onthe a nthî kuuma îrathîro nginya îthûîro.

Thaburi 62:1

Mbetererete Ngai wenga tu ngirîrîrîtie; ûvonokio wakwa umaga kûrî ke.

Thaburi 68:25

Aini marî mbere, nao avûûri inanda marî vuva, gatagatî kao kûrî na erîtu makîvûraga tamburini.

Thaburi 88:1

We Ngai-Mûnene, Ngai wakwa, ngûkayagîra ûtukû na mûthenya.

Thaburi 92:3

tûgîkwinagîra nyîmbo na ngita, na mîgambo mîaro ya kînanda.

Kûguû 15:6

Nao araika mûgwanja arîa maarî na ûvoti wa gûtûma nthî îgîe na mavera mûgwanja, nîmaaumire kûu hekarûrî. Araika acio meekîrîte nguo ntheru ciakengaga na ciarî na mîcivi ya rangi wa thaavu yovetwe ithûrirî ciao.

Kûguû 19:8

Ke nîmûnengere nguo mbaro ya hariri îravenavenia ya gwîkîra.” (Nguo mbaro nî ciîko mbaro irîa andû a Ngai mekaga.)