2Maû 5:10 - ÎVUKU RÎA ÛVORO MWARO

¹⁰ Îthandûkûrî rîa kîrîkanîro gûtiarî kîndû kîngî tiga ivengere igîrî cia mathiga irîa ciekîrirwe kuo nî Musa marî Kîrîmarî gîa Sinai. Rîrîa andû a Isiraeli maaumaga Misiri, vau Kîrîmarî gîa Sinai nîvo Ngai-Mûnene aarûthîre kîrîkanîro na andû a Isiraeli.

2Maû 5:10 ပူးပေါင်းရင်းမြစ်များ

2Maû 6:11

Kûu hekarûrî nîmbigîte îthandûkû rîa kîrîkanîro rîrî na ivengere cia Maathani ma Ngai-Mûnene marîa aarîkanîre na andû a Isiraeli.”

Ntha 19:5

Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:19

Rîrîa Musa aakuvîvîrie varîa maambîte magema na akîona njaû ya ndegwa na andû makîinagia nîwarakarire na agikia ivengere irîa aakuîte vau nthî ya kîrîma na ikîenyûkanga.

Ntha 34:1

Ngai-Mûnene nîwerire Musa atîrî, “Rûtha ivengere cia mathiga igîrî wata irîa cia mbere na nîngwandîka ivengererî icio ciugo irîa ciarî ivengererî cia mbere irîa wenyûrangire.

Ntha 40:20

Nîwacokire agîoca ivengere irîa igîrî cia mathiga na agîciîkîra îthandûkûrî rîa kîrîkanîro. Agîkîra mîtî ya gûkuua îthandûkû icûvîrî ciarîo na akigîrîra gîkunîko îgûrû rîarîo.

Gûco 29:1

Mama nîmo maûndû marîa marî kîrîkanîrorî kîrîa Ngai-Mûnene aathire Musa arûthe na andû a Isiraeli marî vûrûrirî wa Moabu, kwongerera marîa Ngai-Mûnene aarûthîte nao marî kîrîmarî gîa Sinai.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.