2Maû 36:5 - ÎVUKU RÎA ÛVORO MWARO

⁵ Jehoiakimu aatuîkire mûthamaki wa Juda arî na ûkûrû wa mîaka mîrongo îîrî na îtano (25) na nîwathanire arî Jerusalemu îvinda rîa mîaka îkûmi na ûmwe (11). Nîwekire maûndû macûku mbere ya Ngai-Mûnene, Ngai wake.

2Maû 36:5 ပူးပေါင်းရင်းမြစ်များ

Jeremia 1:3

Ndûmîrîri îo nwa yamûkinyîre rîngî, Jehoiakimu mûvîcî wa Josia arî mûthamaki wa Juda. Jeremia nîwathiîre na mbere gûkinyîrwa nî ndûmîrîri îo nginya mûthiiarî wa mwaka wa îkûmi na ûmwe Zedekia mûvîcî wa Josia arî mûthamaki wa Juda, nginya mweri wa gatano wa mwaka ûrîa andû a Jerusalemu maavirirwe îthamîriorî.

Jeremia 26:1

Vîndî îrîa Jehoiakimu mûvîcî wa Josia ûrîa warî mûthamaki wa Juda ambîrîrie kwathana, Ngai-Mûnene nîwerire Jeremia atîrî,

Jeremia 35:1

Kiugo Kîam Ngai-Mûnene nîgîakinyîre Jeremia vîndî ya wathani wa Jehoiakimu mûvîcî wa Josia, mûthamaki wa Juda akîrwa atîrî,

Jeremia 36:1

Mwaka wa kana Jehoiakimu mûvîcî wa Josia arî mûthamaki wa Juda, kiugo Kîam Ngai-Mûnene nîgîakinyîre Jeremia akîrwa atîrî,

Jeremia 45:1

Ino nîcio ciugo irîa mûrathi Jeremia aaririe mwaka wa kana vîndî ya wathani wa Jehoiakimu mûvîcî wa Josia, nake Baruku mûvîcî wa Neria nîwandîkaga ciugo icio îvukuurî.

Danieli 1:1

Mwaka wa kathatû Jehoiakimu arî Mûthamaki wa Juda, Nebukadinezarû, Mûthamaki wa Babuloni nîwatharîkîre îtûûrarî rîa Jerusalemu na akîrîthiûrûrûkîria.

Danieli 1:2

Nake Mwathani nîwarekererie Jehoiakimu anyitwe nî Nebukadinezarû. Nebukadinezarû nîwocire indo imwe irîa ciarî hekarûrî ya Ngai. Mûthamaki Nebukadinezarû nîwacokire Babuloni vamwe na mîgwate na nîwaigire indo icio hekarûrî ya ngai ciake.