2Maû 36:23 - ÎVUKU RÎA ÛVORO MWARO

²³ “Cairasi, mûthamaki wa Perisia augîte atî: Ngai-Mûnene, Ngai wa îgûrû nîanduîte mûthamaki wa nthî yonthe na nî anthuurîte nîmûtumîre hekarû îtûûrarî rîa Jerusalemu vûrûrirî wa Juda. Kwoguo mue muonthe arîa mûrî a Ngai-Mûnene gatagatîrî kenyu, thiîni Jerusalemu na Ngai wenyu aroîthîrwa namue.”

2Maû 36:23 ပူးပေါင်းရင်းမြစ်များ

1Maû 22:16

na thaavu, sîlûva, gîcango na cuuma. Ûkîra rîu wambîrîrie wîra, na Ngai-Mûnene ethagîrwe nawe!”

1Maû 29:5

na cia indo cia thaavu na cia sîlûva irîa ikaarûthwa nî andû arîa marî wara wa kûirûtha. Rîu nîûrîkû wîvarîrîtie kwîvecana kûrî Ngai-Mûnene arute indo ciake ûmûnthî na njîra ya kwîyendera?”

2Maû 36:22

Mwakarî wa mbere Cairasi atuîka mûthamaki wa Perisia, nîguo ciugo irîa Ngai-Mûnene aaririe kûvîtûkîra kûrî Mûrathi Jeremia ivinge, Ngai-Mûnene nîwamwathire anîrîre vûrûrirî wake wonthe na andîke atîrî,

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Ezira 7:13

“Nînathana atî mûndû wa wonthe wa andû a Isiraeli, athînjîri-Ngai, na Alawi arîa marî vûrûrirî ûrîa mbathanaga nwamûthiîcanie nao ethîrwa mûndû nîekwenda kûthiî Jerusalemu.

Thaburi 136:26

Cokeriani Ngai wa îgûrû ngatho; nîûndû wendo wake ûtathiraga ûtûûraga tene na tene.

Isaia 41:2

“Nû watûmire mûndû kuuma mwena wa îrathîro, na agîtûma athiî akîvootanaga kûndû kuonthe? Nînie ndûmaga avoote mavûrûri, na ngatûma athage athamaki, ndûmaga mavaraganue na rûviû rwake takwa marî rûkûngû, nîmanyaganagia na mîguî yakwa ta ûrîa macaki manyaganagua nî rûkûngi.

Isaia 44:5

“Mûndû ûmwe nîakaauga atîrî, ‘Nie nîrî wa Ngai-Mûnene,’ na wîngî nîageîtania na rîîtwa rîa Jakovu, nake wîngî nîakaandîka njararî yake, ‘Wa Ngai-Mûnene,’ na eîtanagie na rîîtwa rîa Isiraeli.”

Isaia 45:13

Nînie nathire Cairasi avingie ûrîa nendaga na kîvooto, na nîngaarûngaria njîra ciake cionthe. Nîagaatuma rîngî îtûûra rîakwa Jerusalemu, na arekererie andû akwa arîa marî îthamîriorî. Ageeka ûguo atakûrîvwa kana avakwa kîveo.” Ûguo nîguo Ngai-Mûnene augîte.

Jeremia 27:6

Rîu nîmvecanîte mavûrûri mama monthe kûrî Nebukadinezarû, mûthamaki wa Babuloni, ndungata yakwa, wana nînîmûvete nyamû cia kîthaka imûtungatagîre.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 2:37

We Mûthamaki wa athamaki, Ngai wa îgûrû nîke ûgûtuîte Mûthamaki na agakûva ûvoti, vinya na riiri.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 5:28

PARESI; nî kuga atî ûthamaki waku nîmûgaanie kûrî Aamende na Aaperisi.”

Danieli 6:28

Kwoguo Danieli nîwekindîrie na akîganîra vîndî ya wathani wa mûthamaki Dario na vîndî ya wathani wa mûthamaki Cairasi wa Perisi.

Mika 4:10

Mue andû a Jerusalemu, rîrani na mûthînîke nî ûrûrû ta wa mûndûmûka agîciara, nîûndû nîmûkuuma îtûûrarî rîîrî mûthiî mûgatûûre werûrî, nîmûkûthiî Babuloni. Nwatî mûrî kûu Ngai-Mûnene nîakaamûvonokia, na amûkûûre kuuma kûrî nthû cienyu.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?