2Maû 36:16 - ÎVUKU RÎA ÛVORO MWARO

¹⁶ Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

2Maû 36:16 ပူးပေါင်းရင်းမြစ်များ

2Atha 2:23

Elisha nîwaumire Jeriko na akîthiî Betheli. Arî njîrarî, tûvîcî tûnini nîtwaumire na kûu îtûûrarî rînene tûkîmûthekerera tûkiugagîrîria atîrî, “Uma gûkû, kîvara gîkî! Uma gûkû, kîvara gîkî!”

1Maû 19:4

Kwoguo Hanuni nîwagwatire anjaama a mûthamaki Daudi, akîmenja nderu, agîtinîria nguo ciao gatagatî kîûnûrî na akîmera mathiî.

2Maû 24:19

Kûnarî ûguo Ngai-Mûnene nîwatûmire arathi kûrî andû acio makameere mamûcokerere, nwatî nîmaaregire kûmathikîrîria.

2Maû 30:10

Kwoguo, anjaama nîmaathiîre matûûrarî monthe vûrûrirî wa Efiraimu na Manase na nginya Zebuluni. Nwatî andû nîmaamathekerere na makîmanyûrûria.

Ezira 5:12

Nwatî methe metû ma tene nîmaarakaririe Ngai wa îgûrû. Nake nîwamanenganîre kûrî Nebukadinezarû mûthamaki wa Babuloni na Akalidei. Methe metû ma tene nîmaavootirwe na makîvirwa îthamîriorî Babuloni macûkangia hekarû ya Ngai.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Thaburi 35:16

Andû arîa manyûrûragia cionje, nîmaandembire nîûndû wa kûmena.

Thaburi 74:1

Nîkwa Ngai ûtûtiganîrîtie ûguo nîkî? Nîûtûûra ûrakarîte nî andû aku?

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Nthi 6:15

Kwoguo mînyamaaro îkaamwîthîrîria wa rîmwe, agaacûkangua wa rîmwe athire.

Isaia 28:22

Kwoguo, mue mûtikarie ciugo njûku, nîûndû mûngîka ûguo nîmûkoovwa na vinya. Nîûndû nîmbîguîte Ngai-Mûnene mwene vinya wonthe akiuga nîatuîte gûcûkangia vûrûri wonthe.

Isaia 5:4

Nî ûndû ûrîkû nîngîekire mûgûndarî wakwa, ûrîa nie naregire gwîka? Rîrîa netererete ûciare thavibu mbaro, nîndûî gîatûmire ûciare thavibu cia kîthaka?

Isaia 57:4

Nû mûranyarara? Nû mûrathekerera? Anga mue mûtirî ciana cia evia, rûciaro rûrîa rûveenanagia?

Isaia 65:12

mûthiiarî ngaatûma mûragwe na rûviû. Ngaamûragithia muonthe, nîûndû rîrîa netanire mûtiambîtîka, rîrîa naririe mûtianthikîrîria. Nwatî mwekire maûndû macûku na mûkîthuura maûndû marîa mataangenagia.

Jeremia 13:10

Andû aya aganu nîmaregete kûmbathîkîra. Nî aremi na nî aûmû ngoro. Matungatagîra na makagooca ngai ng'eni. Kwoguo matuîkîte ta thuruvarî îno ndembûkangu na îtangîtûmîrwa, nî ya mana.

Jeremia 20:7

We Ngai-Mûnene nîûmveenetie nanie ngaveeneka, we ûrî na vinya kûngîra na wî mûmvootu. Mûthenya mûgima nduîkîte kîndû gîa kûthekererwa, nthekagîrîrwa nî andû onthe.

Jeremia 20:8

Nîûndû rîrîa ngwaria ûndû nîkwa ndetaga, na ngaugîrîria atî: “Mbaara na gûcûkangia!” Nîûndû kiugo Kîam Ngai-Mûnene kûrî nie gîtuîkîte gîa kûmenereria na kûnyararithia mûthenya wonthe.

Jeremia 30:12

Ngai-Mûnene arauga atîrî, “Ngurara ciaku itingîvora, na ironda cienyu itingîthondekeka.

Jeremia 32:3

Zedekia mûthamaki wa Juda nîke wavingîrîte Jeremia, akîmûragia atîrî, “Nîndûî gîtûmîte ûrathe maûndû ûkiugaga Ngai-Mûnene augîte atî, ‘Nîngûvecana îtûûra rîîrî kûrî mûthamaki wa Babuloni na nîakûrîîgwatîra.

Jeremia 32:33

Nîmamvuvatîrîte vandû va kûngarûrûkîra. Wana ethîrwa mbîthîrîtwe ngîmathomithia, nîmaregete kûnthikîrîria na kwathîkîra kîrîra gîakwa.

Jeremia 38:6

Kwoguo nîmocire Jeremia makîmwova na mîkanda na makîmwikia kîrikorî Kîam manjî Kîam Malikia mûvîcî wa Mûthamaki kîrîa Kîamrî kûrîa arangîri meekaraga. Kîriko kîu gîtiarî na manjî, Kîamrî na ndaka ntheri. Maamûnyûrûrûkirie mamwovete na mîkanda, nake Jeremia nîwavorokere ndakarî.

Jeremia 42:18

“Ngai-Mûnene mwene vinya wonthe, Ngai wa Isiraeli arauga atî: wata ûrîa marakara na mang'ûrîka makwa makinyîre andû arîa matûûraga Jerusalemu, nwa ta guo marakara makwa makamûkinyîra, ethîrwa nîmûkûthiî Misiri. Mûgaatuîka ta kîndû gîa kûmenwa, kîndû gîa kûmakania, kîrumi, na gîconoko. Mûtikona gûkû tûrî rîngî.”

Danieli 9:6

Nîtûregete kwîgua arathi, ndungata ciaku arîa maaragîria athamaki etû, aathani, methe metû ma tene, na andû onthe a vûrûri na njîra ya rîîtwa rîaku.

Alawi 26:15

mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Luka 18:32

Mûrû wa Mûndû nîakaanenganîrwa kûrî andû a ndûrîrî. Nao nîmakaamûnyûrûria, mamwîke maûndû ma ûûra nthoni na mamûtuîre mata.

Luka 23:11

Nake Herode na athigari ake nîmaanyûrûririe Jesû na makîmwîka maûndû meengî ma ûûra nthoni. Nîmaacokire makîmwîkîra kanjû yarî ya goro na ya riiri na makîmûcokia kûrî Pilato.

Luka 23:36

Wa nao athigari nîmaathiîre kûrî Jesû, makîmûva ndivei ino ngagatu na makîmûnyûrûria

Luka 6:23

Vîndî îrîa gwekîka ûguo, kenagani na mûgacanjamûka nîûndû nîmwigîrîtwe kîveo kînene mûno îgûrû nîûndû ûguo nwaguo methe ma andû acio meekire arathi.

Ciîko 13:41

‘Tathikîrîriani anyûrûrania aya! Makani na Mûkue! Nîûndû ûndû ûrîa nie ngwîka ûmûnthî ûyû mue tî mwîtîkia, wana mwataarîrua guo, nî mûndû!’ ”

Ciîko 17:32

Na rîrîa andû meegwire Paûlo akîaria ûvoro wîgiî kûriûka, amwe gatagatîrî kao nîmaamûnyûrûririe, nwatî arîa engî makîmwîra atîrî, “Tue nîtûrenda gûkeegua ûkîaria ûvoro wîgiî ûndû ûcio rîngî.”

Ciîko 2:13

Nwatî arîa engî nao makîmathekerera makîmeeraga atî, nî kûrîwa marîtwe nî ndivei ya kûvivwa warîo.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.

Atir 2:17

Nwatî Aisiraeli matiathîkîra atongoria acio. Nîmaaregire gûtuîka evokeku kûrî Ngai-Mûnene na makîgooca ngai ciîngî. Methe mao nîmaavingagia maathani ma Ngai-Mûnene, nwatî o nîmaatigire kûmûgooca.