2Maû 35:8 - ÎVUKU RÎA ÛVORO MWARO

⁸ Anene ake wa nao nîmaarutire iveo ciao kûrî andû, athînjîri-Ngai na Alawi na njîra ya kwîyendera. Hilikia, Zakaria na Jehieli, arîa maarî arûngamîrîri a hekarû, nîmaaveere athînjîri-Ngai twori na tûtûrûme ngiri igîrî na magana matandatû (2,600), ndegwa magana mathatû (300) irî matega ma pasaka.

2Maû 35:8 ပူးပေါင်းရင်းမြစ်များ

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

1Maû 9:20

Mbererî Finehasi mûvîcî wa Eleazaru nîke warî mûnene wa arangîri a ivingo. Nake Ngai-Mûnene nîwamûtethagia.

2Maû 30:24

Hezekia, mûthamaki wa Juda nîwavere andû ndegwa ngiri îmwe na ng'ondu ngiri mûgwanja (7,000) cia kûrîwa nî andû. Nao anene nîmaaveere andû ndegwa ngiri îmwe (1,000) na ng'ondu ngiri îkûmi (10,000). Athînjîri-Ngai eengî nîmeetheririe.

2Maû 31:13

Nao Jehieli, Azazia, Nahathi, Asaheli, Jerimothi, Jozabadi, Elieli, Isumakia, Mahathi na Benaia maarî arûngamîrîri arîa maatethagîrîria Konania na mûrwang'ina Shimei. Andû acio îkûmi maathuurirwe nî mûthamaki Ezekia na Azaria, Mûthînjîri-Ngai mûnene.

2Maû 34:9

Nîmaathiîre kûrî Hilikia, Mûthînjîri-Ngai mûnene na makîmûvirîra mbeca irîa Alawi arîa maarî arangîri a ivingo maûnganîtie kuuma kûrî andû a Manase, Efiraimu na kuuma kûrî andû onthe a Isiraeli arîa maatigarîte, kuuma kûrî andû onthe a Juda, Benjamini na andû arîa maatûûraga Jerusalemu.

2Maû 35:7

Mûthamaki Josia nîwarutire kuuma ndîthiarî yake tûgondu na twori ngiri mîrongo îthatû (30,000), ndegwa ngiri ithatû (3,000) nîûndû wa andû arîa maarî vo irî matega ma pasaka.

Ezira 1:6

Andû onthe arîa maariganîtie nao nîmaamavere ûtethio wa indo cia sîlûva na thaavu, na indo ciîngî nyîngî, na nyamû irîa irîthagua na indo cia goro, vamwe na indo cia matega cia hekarû.

Ezira 7:16

Thaavu na sîlûva cionthe irîa ûkaaûngania vûrûrirî wa Babuloni nîûkaathiî nacio. Wana indo irîa andû a Isiraeli na athînjîri-Ngai makaaruta nîûndû wa hekarû îrîa îrî Jerusalemu ya Ngai wao.

Thaburi 45:12

Andû a Turo nîmagaakûretera iveo makîyendithia kûrî we; andû arîa itonga nîmakaageragia kwîyendithia kûrî we.

Ndari 7:2

Atongoria a mîvîrîga ya andû a Isiraeli, arîa maarî anene a nyomba cia methe mao na maarûngamagîrîra andû magîtarwa,

Ciîko 4:1

Rîrîa Petero na Johana maaragîria andû acio, athînjîri-Ngai, mûnene wa arangîri a hekarû, na Asadukai nîmaakinyire.

Ciîko 5:26

Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

2Akor 9:7

Mûndû nîwagîrîrwe nî kûvecana wata ûrîa ke atuîte kûvecana. Na mûndû ndakavecane takwa akûringîrîrua, nîûndû Ngai nî akenagua nî ûrîa ûvecanaga akenete.