2Maû 35:13 - ÎVUKU RÎA ÛVORO MWARO

¹³ Alawi nîmookirie nyama cia ndûrûme cia pasaka na mwaki kûringana na watho, magîcamûra nyama cia magongoona marîa matheru na nyûngû, thavuria na tûraî twa gûkarangîra. Nîmaacokire makîigaîra andû arîa mataarî athînjîri-Ngai na îvenya.

2Maû 35:13 ပူးပေါင်းရင်းမြစ်များ

2Maû 35:12

Nîmaacokire makîgaa nyamû cia matega ma kûvîvua kûringana na nyomba cia andû ao nîguo marutîre Ngai-Mûnene matega wata ûrîa kwandîkîtwe îvukuurî rîa Musa. Ûguo nwaguo maagaanirie wana ndegwa.

2Maû 35:14

Vuva wa ûguo, Alawi nîmaavarîrîrie nyama ciao o ene na cia athînjîri-Ngai, nîûndû athînjîri-Ngai njiarwa cia Aroni maarî na wîra wa kûruta matega ma kûvîvua na ma nyama irîa noru nginya ûtukû.

Thaburi 22:14

Nie nîrî mûthiru vinya, nthirîte vinya ta manjî metîkîte nthî. Mavîndî makwa monthe nîmatigithanu, ngoro yakwa îkariî ta mûvûra ûrî mûrarûku.

Ezek 46:20

Nake nîwambîrire atîrî, “Ava nîvo athînjîri-Ngai makarugagîra nyama cia magongoona ma kûrîvîria mevia na cia magongoona ma kûthiria mevia, na gûkandîra mûtu wa matega ma irio cia mûgûnda. Matiagîrîrwe nî kûthiî na indo icio kîvarorî Kîam nja nîûndû nî nyamûre na nwaicûkie andû maivutia.”

Alawi 6:28

Nyûngû ya yûmba îrîa îkaaruga nyama icio nwanginya îkaaûragwa, na ethîrwa nî nyûngû ya cuuma ya gîcango îkaaruga, nwanginya îkaathûwa na îkamûrûe na manjî.

Ndari 6:19

Vîndî îrîa kûgûrû kwa mbere kwa ndûrûme gûkaatherûkua mûthînjîri-Ngai nîakaagwoca vamwe na geki îmwe na kamûgate kamwe gaceke kuuma gîkavurî na acigîrîre njararî cia Mûnazari.

Aroma 12:11

Rutagani wîra na kîîo na mûtigatuîke igûta; tungatagîrani Mwathani na ngoro cienyu cionthe.

Gûco 16:7

Rugagani nyama na mûirie mûrî varîa Ngai-Mûnene Ngai wenyu akaathuura va kûgoocagîrwa, na kîraûko mûthenya ûcio wîngî, mûgacoka kwenyu mîciî.