2Maû 34:31 - ÎVUKU RÎA ÛVORO MWARO

³¹ Mûthamaki nîwarûngamire vandû vake na akîrûtha kîrîkanîro mbere ya Ngai-Mûnene, atî akaathîkagîra Ngai-Mûnene na avingagie maathani make, mawatho na matuîro ma ciira na ngoro yake yonthe na mwoyo wake wonthe, na ageekaga wata ûrîa ciugo irîa ciandîkîtwe îvukuurî rîa kîrîkanîro ciugîte.

2Maû 34:31 ပူးပေါင်းရင်းမြစ်များ

2Atha 11:14

Nîwaroririe na akîona mûthamaki mûcerû arûngamîte vakuvî na gîtugî vau mûromorî wa hekarû, kûringana na mûtugo. Nao anene a athigari na andû arîa maavuvaga tûrumbeta maarî vakuvî na mûthamaki nao andû onthe makiugagîrîria nî gîkeno makîvuvaga tûrumbeta. Athalia nîwatembûrangire nguo ciake na marûrû na akiugîrîria atîrî, “Gûkû nî kûregana na mûthamaki! Gûkû nî kûregana na mûthamaki!”

2Atha 11:17

Mûthînjîri-Ngai Jehoiada nîwatûmire mûthamaki Joashi na andû marûthe kîrîkanîro na Ngai-Mûnene atî makethagîrwa marî andû a Ngai-Mûnene. Nîwacokire akîrûtha kîrîkanîro na mûthamaki na andû.

2Atha 11:4

Nwatî mwakarî wa mûgwanja, Jehoiada nîwatûmanîre anene a athigari arîa maagitagîra mûthamaki wana arangîri a mûciî wa mûthamaki, na akiuga mathiî kûrî ke hekarûrî. Nîwarûthire kîrîkanîro nao na akîmevîtithia marî kûu hekarûrî, agîcoka akîmonia Joashi, mûvîcî wa mûthamaki Ahazia.

2Atha 23:3

Mûthamaki nîwarûngamire vakuvî na gîtugî na akîrûtha kîrîkanîro na Ngai-Mûnene. Nîwamwîrîre atî akaamwathîkagîra, akaavingagia mawatho make, maathani make na kîrîra gîake na ngoro yake yonthe na mwoyo wake wonthe na kûvingia maûndû monthe megiî kîrîkanîro gîkî wata ûrîa kwandîkîtwe îvukuurî rîîrî. Nao andû onthe nîmeranîre atî nîmakûvingia kîrîkanîro.

2Maû 15:12

Nîmaarûthire kîrîkanîro atî makaathîkagîra Ngai-Mûnene, Ngai wa methe mao na ngoro yonthe mwoyo wonthe.

2Maû 15:15

Andû onthe a Juda nîmaakenire nîûndû wa kîrîkanîro kîu maarûthire na ngoro yonthe. Nîmaamûcarîtie na ngoro yonthe na makîmwona. Nake Ngai-Mûnene nîwatûmire magîe na thayû mîena yonthe.

2Maû 23:16

Mûthînjîri-Ngai Jehoiada nîwarûthire kîrîkanîro na andû onthe na mûthamaki atî, nîmagûtuîka andû a Ngai-Mûnene.

2Maû 29:10

“Rîu nînduîte kûrûtha kîrîkanîro na Ngai-Mûnene, Ngai wa Isiraeli, nîguo ndagatûrakarîre rîngî.

2Maû 30:16

Athînjîri-Ngai na Alawi nîmeekarire wa andû varîa maagîrîrwe nî gwîkara wata ûrîa watho wa Musa, mûndû wa Ngai ugîte. Alawi nîmaanengere athînjîri-Ngai nthakame ya magongoona na makîmîminjaminja metharî ya kîgongoona.

2Maû 31:21

Wîra wa wonthe ûrîa mûthamaki Hezekia aarutaga hekarûrî wîgiî kûrûmîrîra watho na maathani ma Ngai, aaûrutaga arî na wîvokeku na nîwavoyaga Ngai wake na akaruta wîra na ngoro yake yonthe. Kwoguo nîwekindîrie.

2Maû 34:32

Mûthamaki nîwacokire akîra andû onthe arîa maarî Jerusalemu na Benjamini wanao mavingagie kîrîkanîro. Nao andû a Jerusalemu nîmaatûûrire marûmagîrîra kîrîkanîro Kîam Ngai-Mûnene, Ngai wa methe mao.

2Maû 6:13

(Solomoni nîwatumîte vandû vatûgîru va gîcango gatagatî ga kîvaro. Ûraca wa vo warî mita igîrî na cendimita mîrongo îîrî (2.20), wariî wa mita igîrî na cendimita mîrongo îîrî (2.20) na ûraca na îgûrû wa mita îmwe na cendimita mîrongo îthatû (1.30). Nake nîwatwîre na agîturia maru vo andû onthe a Isiraeli arîa maagomanîte makîonaga. Nîwacokire agîûkîrîria njara ciake na îgûrû)

Ezira 10:3

Kwoguo nîtûkûrûtha kîrîkanîro na Ngai wetû atî nwanginya twîngate aka aya na ciana ciao. Tûgeka wa ûrîa we na andû arîa metigîrîte maathani ma Ngai magaatûtaara twîke, na twîke ûrîa watho ugîte.

Nehemia 10:29

Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

Nehemia 10:30

Nîmaaugire atî matikaanenganîra erîtu ao mavikua nî anake a andû arîa matûûraga vûrûri ûcio, kana metîkîra anake ao mavikia erîtu a andû acio.

Nehemia 9:38

Nîûndû wa maûndû monthe marîa mekîkîte, nîtwathondeka kîrîkanîro kîrûmu na twandîkanîra. Nao atongoria etû, Alawi, athînjîri-Ngai wetû nîmekîra mîvûri yao kîrîkanîrorî kîu.

Thaburi 119:106

Nîmbîranîrîte na mwîvîtwa na nîngindîrîtie ûndû ûcio, atî ngaarûmagîrîra matuîro maku ma kîvooto.

Thaburi 31:24

Gîani na vinya na mûmîrîrie, mue muonthe arîa mwîvokete Ngai-Mûnene.

Jeremia 50:5

Nîmakaûrîrîria njîra ya kûthiî Zayuni, merekerete kuo makiugaga, ‘Ûkani tûrûthe kîrîkanîro na Ngai-Mûnene kîrîa gîtakaariganîra.’

Ezek 46:2

Mûnene ûrîa ûrathana akaumaga kîvarorî Kîam nja na agatonyera kanyombarî ga gûtonyerwa ga kîvingo kîu, na atonya akarûngama vakuvî na gîtugî gîa kîvingo. Athînjîri-Ngai nîmakaaruta îgongoona rîake rîa kûvîvua na rîa thayû na nîakagooca Ngai-Mûnene arî vau kîvingorî kîu na agacoka akauma nja rîngî. Kîvingo kîu gîtikaavingwa nginya kîvwaî.

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 29:1

Mama nîmo maûndû marîa marî kîrîkanîrorî kîrîa Ngai-Mûnene aathire Musa arûthe na andû a Isiraeli marî vûrûrirî wa Moabu, kwongerera marîa Ngai-Mûnene aarûthîte nao marî kîrîmarî gîa Sinai.

Gûco 6:5

Endani Ngai-Mûnene, Ngai wenyu na ngoro yonthe na mwoyo wonthe, na vinya wenyu wonthe.

Josh 24:25

Kwoguo mûthenya ûcio, Joshua nîwarûthire kîrîkanîro gatagatî ka Ngai-Mûnene na andû a Isiraeli marî kûu Shekemu. Nîwacokire akîmanengera mawatho ma kûrûmagîrîra.