2Maû 34:1 - ÎVUKU RÎA ÛVORO MWARO

¹ Josia aatuîkire mûthamaki wa Juda arî na ûkûrû wa mîaka înana (8) na aathanire îvinda rîa mîaka mîrongo îthatû na ûmwe (31) arî Jerusalemu.

2Maû 34:1 ပူးပေါင်းရင်းမြစ်များ

1Atha 13:2

Mûndû ûcio nîwarumire metha ya kîgongoona, wata ûrîa Ngai-Mûnene aamwathîte akiugaga atîrî, “We metha ya kîgongoona, metha ya kîgongoona, Ngai-Mûnene augîte atî: Taroria kavîcî nîgagaaciarwa nyombarî ya Daudi; Nako gageetwa Josia. Nako nîgagaagûtegera athînjîri-Ngai arîa marutagîra magongoona kûndû kûrîa gûtûgîru, arîa marutagîra ngai cia mîvuanano magongoona îgûrû rîaku, na nîakaavîvîria mavîndî ma andû îgûrû rîaku.”

2Atha 23:1

Mûthamaki Josia nîwatûmanîre atongoria onthe a Juda na a Jerusalemu na nîmaacemanirie varî ke.

2Maû 24:1

Joashi aatuîkire mûthamaki arî na ûkûrû wa mîaka mûgwanja (7). Nîwathanire arî Jerusalemu îvinda rîa mîaka mîrongo îna (40). Ng'ina eetagwa Zibia na aarî wa kuuma îtûûrarî rîa Beerisheba.

2Maû 26:1

Andû onthe a Juda nîmaathuurire Uzia, mûvîcî wa Amazia atuîke mûthamaki wao vandûrî va îthe. Uzia aarî na ûkûrû wa mîaka îkûmi na îtandatû (16).

2Maû 33:1

Manase aatuîkire mûthamaki wa Juda arî na ûkûrû wa mîaka îkûmi na îîrî (12). Nîwathanire arî Jerusalemu îvinda rîa mîaka mîrongo îtano na îtano (55).

2Maû 33:25

Nwatî andû a Juda nîmaaûragire andû arîa maavangire ûrîa makûmûraga na magîcoka magîtua Josia mûvîcî wa Amoni mûthamaki wa Juda vuva wake.

Mûvunjia 4:13

Kava mwanake mûthîni na mûûgî gûkîra mûthamaki mûndû mûkûrû arî kîrimû na ndathikagîrîria mataaro,

Jeremia 1:2

Ngai-Mûnene nîwaririe na Jeremia mwaka wa îkûmi na kathatû vîndî ya wathani wa Josia mûvîcî wa Amoni mûthamaki wa Juda.

Jeremia 25:3

“Îvinda rîa mîaka mîrongo îîrî na îthatû (23) kuuma mwaka wa îkûmi na îthatû Josia mûvîcî wa Amoni, arî mûthamaki wa Juda nginya ûmûnthî, Ngai-Mûnene ethîrîtwe akîmbarîria. Vîndî îo yonthe mbîthîrîtwe ngîmûva ndûmîrîri îo ndagûtigithîrîria, nwatî mue nîmwaregire kûmîthikîrîria.

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Zefania 1:1

Îno nî ndûmîrîri ya Ngai-Mûnene îrîa yakinyire Zefania mwana wa Kushi, mwana wa Gedalia, mwana wa Amaria, mwana wa Hezekia, vîndî îrîa Josia mûvîcî wa Amoni, aarî mûthamaki wa Juda.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 2:26

Nake Samueli nîwathiîre na mbere gûkûra akîendagwa nî Ngai-Mûnene wana andû.