2Maû 32:21 - ÎVUKU RÎA ÛVORO MWARO

²¹ Nake Ngai-Mûnene nîwatûmire mûraika na nîwathiîre akîûraga athigari arîa maarî njamba, anene a athigari a mbaara na anene onthe arîa maarî kûrîa mûthamaki wa Asîria aambîte magema. Kwoguo mûthamaki wa Asîria nîwacokire vûrûrirî wake aconokete mûno. Rîrîa aathiîre hekarûrî ya ngai yake, amwe a avîcî ake nîmaamûragire na mviû.

2Maû 32:21 ပူးပေါင်းရင်းမြစ်များ

2Sam 24:16

Rîrîa mûraika wa Ngai-Mûnene aarî vakuvî gûcûkangia Jerusalemu Ngai-Mûnene nîwericûkirwe ûvororî wîgiî kûverithia andû ake na akîra mûraika ûcio waûraganaga atîrî, “Tiga rîu! Ûguo nî mwîganu!” Mûraika ûcio aarî vakuvî na varîa Arauna, ûrîa warî Mûjebusi aavûûragîra ngano.

2Atha 19:20

Isaia mûvîcî wa Amosi nîwatûmanire kûrî mûthamaki Hezekia atîrî, “Ngai-Mûnene, Ngai wa Isiraeli augîte atî, ‘Nîmbîguîte îvoya rîaku rîgiî Senakeribu, mûthamaki wa Asîria.’

2Maû 32:20

Mûthamaki Hezekia na mûrathi Isaia, mûvîcî wa Amozu nîmaavoire Ngai na makîmûkaîra nîûndû wa ûndû ûcio.

2Maû 32:22

Kwoguo Ngai-Mûnene nîwavonokirie Hezekia na andû a Jerusalemu kuuma kûrî Senakeribu mûthamaki wa Asîria na kuuma kûrî nthû ciake cionthe. Ngai-Mûnene nîwatûmire andû a Jerusalemu mekaranie na thayû na andû onthe arîa maariganîtie nao.

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 132:18

Nîngaatûma nthû ciake igîe na gîconoko, nwatî nthûmbî yake ya ûthamaki nîîgaakengaga îrî kîongorî gîake.”

Thaburi 18:50

Ngai nîavotithagia mûthamaki wake kûvootana, nî onanagia wendo ûtathiraga kûrî ûrîa athuurîte, kûrî Daudi na njiarwa ciake tene na tene.

Thaburi 44:15

Mbîthagîrwa vîndî cionthe njonokete; na mbîcûrîtwe nî nthoni nyîngî mûno,

Thaburi 76:12

Nîanyivagia athani arîa etîi, na agatûma athamaki a nthî metigîre.

Thaburi 76:5

Arîa marî vinya nîmaacunirwe indo ciao irîa maatavîte, na rîu onthe mamamîte toro wa gîkuû, vinya wao na wara wao warî wa mana.

Thaburi 76:6

Rîrîa wamagûkirie, we Ngai wa Jakovu, mbarathi ciao na arîa mathiîcaga maitwîte nîmaagwîre na magîkua.

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Nthi 11:2

Mwîtîîo nîûnyararithagia mûndû, nwatî mûndû mwînyivia nîagîcaga ûûgî.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Isaia 10:8

Etîîaga akiugaga atîrî, “Kinthî atongoria a athigari akwa onthe tî athamaki?

Isaia 14:25

Nîngaathiria Asîria arîa marî vûrûrirî wakwa, na nîmakinyangîre irîmarî ciakwa. Nîngaaruta andû akwa ûkomborî wa Asîria, na nîmaûre mûrigo ûrîa mamakuuithîtie.

Isaia 36:9

We ûngîvota kwîgananua atîa wanarî na mûnene ûrîa mûnini mûno gatagatîrî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

Isaia 37:21

Isaia, mûvîcî wa Amozu nîwacokire agîtûma ndûmîrîri kûrî Hezekia akiuga atîrî, “Ngai-Mûnene, Ngai wa Isiraeli arauga atî: Nîûndû nîûmvoete nîûndû wa Senakeribu mûthamaki wa Asîria,

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.