2Maû 32:17 - ÎVUKU RÎA ÛVORO MWARO

¹⁷ Mûthamaki wa Asîria nîwandîkire maarûa cia kûnyûrûria na gûcambia Ngai-Mûnene, Ngai wa Isiraeli akiugaga atîrî, “Wata ûrîa ngai cia mavûrûri mengî itaavota kûvonokia andû ao kuuma kûrî nie, nwata guo Ngai wa Hezekia atakaavota kûvonokia andû ake kuuma kûrî nie.”

2Maû 32:17 ပူးပေါင်းရင်းမြစ်များ

2Atha 19:11

We nîwîguîte ûrîa athamaki a Asîria macûkangîtie mavûrûri monthe viû. We ûreciria nîûkûvonoka?

2Atha 19:12

Methe makwa nîmaacûkangirie andû a mavûrûri ma Gozani, Harani, na Rezefu na makîûraga andû onthe a Edeni arîa maatûûraga Telasari. Maaregire kûvonokua nî ngai icio nîkî?

2Atha 19:14

Mûthamaki Hezekia nîwocire maarûa kuuma kûrî anjaama acio na akîmîthoma. Nîwacokire akîthiî nayo hekarûrî ya Ngai-Mûnene na akîmîtambûrûkia mbere ya Ngai-Mûnene.

2Atha 19:22

Nî ûrîkû ûraruma na ûkathekerera? Nîûrîkû ûraugîrîria, ûkarega kûva gîtîîo Ûrîa Mûtheru wa Isiraeli.

2Atha 19:28

Nîûndû wa ûguo ûndakarîrîte, na nîmbîguîte ûvoro wa mwîtîîo waku, nîngûgûtonyia ndûano îniûrûrî rîaku, na ngwîkîre gîcûvî kanyuarî gaku. Nîngûcokia kûrîa waumire na njîra wa îrîa waûkîrîrîre.”

2Atha 19:9

Rîrîa mûthamaki wa Asîria eegwire atî athigari a mbaara a Kushi matongoretue nî mûthamaki Tirihaka, nîmaaûkîte kûmatharîkîra, nîwatûmire anjaama rîngî kûrî Hezekia, mûthamaki wa Juda

2Maû 32:14

Nî ngai îrîkû gatagatî ka ngai cia mavûrûri marîa methe makwa maacûkangirie viû yavotire kûvonokia andû a yo kuuma kûrî nie nîguo mue mûgîe na mwîrîgîrîro atî Ngai wenyu nîakaamûvonokia kuuma kûrî nie?

2Maû 32:16

Ndungata cia Senakeribu nîciaririe maûndû meengî macûku megiî Ngai-Mûnene, Ngai wa Isiraeli na megiî ndungata yake Hezekia.

Nehemia 6:5

Sanibalati nîwacokire agîtûma ndungata yake îmwe kûrî nie rita rîa gatano. Nayo ndûmîrîri îrîa aatûmire yarî maarûarî îtarî mvinge na

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Isaia 37:14

Hezekia nîwamûkîre maarûa kuuma kûrî anjaama acio maatûmîtwe na akîmîthoma. Nîwacokire akîthiî agîtonya nyombarî ya Ngai-Mûnene, na akîmîkûnjûrîra mbere ya Ngai-Mûnene.

Kûguû 13:6

Nyamû îo nîyambîrîrie kûruma Ngai, rîîtwa rîake, kûrîa atûûraga na arîa onthe matûûraga îgûrû.

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.