2Maû 32:13 - ÎVUKU RÎA ÛVORO MWARO

¹³ Nîkwa mûtaicî ûrîa nie na methe makwa twekire andû onthe a mavûrûri marîa mengî? Anga ngai cia mavûrûri mau nîciavotire kûmavonokia kuuma kûrî nie?

2Maû 32:13 ပူးပေါင်းရင်းမြစ်များ

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Maû 32:14

Nî ngai îrîkû gatagatî ka ngai cia mavûrûri marîa methe makwa maacûkangirie viû yavotire kûvonokia andû a yo kuuma kûrî nie nîguo mue mûgîe na mwîrîgîrîro atî Ngai wenyu nîakaamûvonokia kuuma kûrî nie?

2Maû 32:19

Nîmaaririe ûvoro wîgiî Ngai wa Jerusalemu wata ûrîa maaragia ûvoro wîgiî ngai cia mavûrûri marîa mengî irîa ciîthagîrwa irûthîtwe nî andû.

Isaia 10:14

Ta ûrîa mûndû atambarûkagia njara akanyita kîomba Kîam gîconi, nwaguo naanyitire ûtonga wa andû. Ta ûrîa mûndû ocanagia matumbî matigîtwe kîombarî, nwaguo mbocete andû a nthî yonthe. Gûtirî mûndû wanarî ûmwe wambararirie îthagu kana atumûra kanyua ambugîrîrie!

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.