2Maû 32:1 - ÎVUKU RÎA ÛVORO MWARO

¹ Vuva wa maûndû mau monthe marîa Hezekia, mûthamaki wa Juda eekîte na wîvokeku, Senakeribu, mûthamaki wa Asîria nîwatharîkîre Juda. Nîwacîgîrîrie matûûra marîa maarî mairigîre agîîciragia atî nî akûmanyita matuîke make.

2Maû 32:1 ပူးပေါင်းရင်းမြစ်များ

2Atha 15:19

Tigilathi Pilesa, mûthamaki wa Asîria nîwatharîkîre vûrûrirî wa Isiraeli, na Menahemu Nîwamûvere kilo ngiri mîrongo îthatû na inya (34,000) cia sîlûva, nîguo Tigilathi Pilesa amûtethie gûtûma ûthamaki wake wîvande na athiî na mbere kwathana.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 18:11

Mûthamaki wa Asîria nîwavirire andû a Isiraeli Asîria marî mîgwate, na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

2Maû 32:2

Rîrîa mûthamaki Hezekia aamenyire atî Senakeribu aaûkîte avangîte kûtharîkîra Jerusalemu,

2Maû 35:20

Mûthamaki Josia arîkia gwîka maûndû mau monthe nîûndû wa hekarû, Neko, mûthamaki wa Misiri nîwathiîre na athigari ake a mbaara makatharîkîre îtûûra rîa Karikemishi rîrîa rîarî vakuvî na rûnjî rwa Farati. Nake Josia nîwathiîre kûrûa nake.

Isaia 10:32

Ûmûnthî nthû nîikûrûngama Nobu, ikûnjîrîte kîrîma gîa Zayuni ngundi, karîma ka îtûûra rîa Jerusalemu.

Isaia 36:1

Mwakarî wa îkûmi na îna Hezekia arî mûthamaki wa Juda, Senakeribu, mûthamaki wa Asîria nîwatharîkîre matûûra monthe ma Juda marîa magitîre na akîmagwata.

Isaia 37:37

Senakeribu, mûthamaki wa Asîria nîwacokire akiuma kûu, akînûka na agîtûûra Nineve.

Hosea 11:5

O nîmagacoka Misiri; nîmakaathwa nî mûthamaki wa Asîria, nîûndû nîmaregete kûnjokerera.

Mika 2:13

Ngai nîakaamavingûrîra njîra na amatongorie maume îthamîriorî. Nao nîmakaauna kîvingo gîa îtûûra na maume nja, matongoreretue nî mûthamaki wao; Ngai-Mûnene ke mwene nîke ûkaamatongoria.