2Maû 31:5 - ÎVUKU RÎA ÛVORO MWARO

⁵ Rîrîa watho ûcio wakinyire kûrî andû a Isiraeli, nîmaarutire indo ciao nyîngî na njîra ya kwîyendera. Nîmaarutire maciaro ma mbere ma irio cia mîgûnda, ndivei, maguta, ûûkî na indo cionthe irîa maakûragia mîgûndarî yao. Nîmaarutire gîcunjî gîa îkûmi Kîam indo cionthe irîa maarî nacio.

2Maû 31:5 ပူးပေါင်းရင်းမြစ်များ

Nehemia 12:44

Kavinda kau andû nîmaathuurirwe a kûrûngamîrîra nyomba irîa cigagwa indo irîa ciarutagwa nîûndû wa hekarû. Kûu nwakuo kwaigagwa matega ma gîcunjî gîa îkûmi na irio cia mûgûnda cia mbere na matunda marîa maatunîvaga mbere wa mwaka wa mwaka. Arûme acio nîo meerirwe mocage maruta kuuma mîgûndarî îrîa yarî vakuvî na matûûra nîûndû wa Alawi na athînjîri-Ngai wata ûrîa Watho waugîte. Andû onthe a Juda nîmaakenire nî athînjîri-Ngai na Alawi arîa maatungataga,

Nehemia 13:12

Andû onthe a Juda nîmaambîrîrie rîngî kûreta gîcunjî gîa îkûmi Kîam irio cia mîgûnda, ndivei, na maguta. Indo icio nîciaigirwe nyombarî cia kwigwa indo.

Nehemia 13:31

Nînavangire ûrîa ngû ikaaretagwa mavinda marîa maagîrîru, na matega ma matunda ma mbere vîndî îrîa matunîva. Ndirikana we Ngai wakwa, nîûndû wa maûndû mau monthe.

Ntha 22:29

“Ndutagîra matega maku ma ngano, ndivei, na maguta ma ndamaiyû vîndî ya cio yakinya. “Mvecaga îrikithathi rîaku rîa anake.

Ntha 23:19

“Retageni nyombarî ya Ngai-Mûnene, Ngai wenyu maketha marîa maro ma mbere ma irio cia mîgûnda yenyu. “Ndûkaruge koori ka mbûri kana ka ng'ondu na îriia rîa ng'ina.

Ntha 34:22

“Ririkanaga kîrugo Kîam maketha vîndî îrîa mwambîrîria maketha ma ngano, na kîrugo gîa tûnyomba mwaka ûkîthira.

Ntha 34:26

“Mwaka wa mwaka mûretage nyombarî ya Ngai-Mûnene irio cia mbere cia maketha ma mîgûnda. “Mûtikaaruge koori ka mbûri kana kagondu na îria rîa ng'ina.”

Ntha 35:5

Rutagîrani Ngai-Mûnene matega. Mûndû wa wonthe ûrî na wendi wa gwîka ûguo nîaretagîre Ngai-Mûnene matega ma thaavu, sîlûva, na gîcango,

Nthi 3:9

Tîîaga Ngai-Mûnene na indo ciaku, na ûmûrutagîre maketha ma mbere ma indo cionthe cia mîgûnda yaku.

Alawi 27:30

“Gîcunjî kîmwe îgûrû rîa îkûmi Kîam maciaro monthe ma mûgûnda nî ma Ngai-Mûnene, wana ethîrwa marî ma irio kana matunda.

Ndari 18:12

“Nînakûva matega monthe maro marîa andû a Isiraeli makaandutagîra wa mwaka. Namo nî: maguta ma ndamaiyû, ndivei na irio cia mîgûnda.

Ndari 18:13

Maciaro ma mbere ma irio cia mîgûnda irîa mategagîra Ngai-Mûnene nî ciaku. Mûndû wa wonthe wa mûciî waku ûrîa ûkethagîrwa arî mûtheru nîakaarîcaga irio icio.

Ndari 18:8

Ngai-Mûnene nîwerire Aroni atîrî, “Nînakûva we vamwe na njiarwa ciaku matega monthe marîa ndutîrîtwe nî andû a Isiraeli. Nînamûva indo icio cionthe irî gîcunjî kîenyu na nîitûûra irî cienyu.

Aroma 8:23

Nwatî twa ciûmbe cionga tu icaaga, wana tue ene arîa tûrî na Roho ûrî ta kîveo Kîam mbere Kîam iveo cia Ngai nîtûcayaga na kûu ndaarî yetû wa tûgîetagîrîra Ngai atûtue ciana ciake na atûkûûre viû kuuma ûkomborî.

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.