2Maû 31:19 - ÎVUKU RÎA ÛVORO MWARO

¹⁹ Nao athînjîri-Ngai a mbarî ya Aroni arîa matûûraga mîgûndarî nja ya matûûra mao, nîkwathuurirwe arûme na marîîtwa nîguo makagaîre arûme onthe arîa maarî athînjîri-Ngai na Alawi onthe arîa maandîkîtwe.

2Maû 31:19 ပူးပေါင်းရင်းမြစ်များ

1Maû 6:54

Njiarwa cia Aroni ciatûûraga mavûrûrirî mama marûmîrîrîte: Njiarwa ciake cia mbarî ya Kohathu nîo maarî a mbere kûgaîrwa vûrûri.

1Maû 6:60

Nakuo vûrûrirî wa Benjamini nîmaagaîrwe matûûra mama marûmîrîrîte vamwe na kûndû gwa kûrîthua, kûrîa kûmathiûrûrûkîrîtie. Matûûra mau nî: Geba, Alemethi na Anathothi. Matûûra monthe marîa mbarî ya Kohathu yagaîrwe maarî îkûmi na mathatû.

2Maû 28:15

Atongoria acio magwetetwe marîîtwa mao nîmoocire mîgwate na indo cionthe irîa ciatavîtwe. Kuumana na indo irîa maatavîte, nîmaaveere mîgwate yonthe îrîa yarî njaga nguo, iratû, na makîmava irio, gîa kûnyua, na arîa maarî na ironda nîmaamavakire maguta ma ndamaiyû. Nao arîa mataarî na vinya nîmaamatwîthirie mvundarî ciao na makîmacokia kûrî andû ao Jeriko, îtûûra rîa mîtî ya mîkîndû. Andû a Efiraimu nîmaacokire magîcoka Samaria.

2Maû 31:18

Athînjîri-Ngai maandîkirwe vamwe na ciana ciao cionthe, aka ao, anake ao na erîtu ao na andû ao onthe, nîûndû nîmaagîrîrwe vîndî cionthe mekarage metheretie.

Alawi 25:32

Kûnarî ûguo, Alawi nwa magûre rîngî nyomba ciao irîa irî matûûrarî mao kûrîa matwîre wa rîrîa mangîenda.

Alawi 25:34

Nwatî gûtirî mûndû wagîrîrwe nî kwendia mîgûnda îrîa îthiûrûrûkîrîtie matûûra ma Alawi, îgaatûûra îrî yao.