2Maû 30:12 - ÎVUKU RÎA ÛVORO MWARO

¹² Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

2Maû 30:12 ပူးပေါင်းရင်းမြစ်များ

2Maû 29:15

Andû aya maagomanirie Alawi acio engî vamwe na nîmeetheririe. Nîmaacokire makîthiî hekarûrî kûmîtheria wata ûrîa maathîtwe nî mûthamaki kûringana na watho wa Ngai-Mûnene.

2Maû 29:25

Mûthamaki Hezekia nîwarûmîrîre maûndû marîa Ngai-Mûnene aathîte mûthamaki Daudi na njîra ya Gadi ûrîa warî mwoni maûndû ma mûthamaki na mûrathi Nathani. Kwoguo nîwaigire Alawi hekarûrî marî na mîtûrirû, ngita na ithaani irîa iringithanagua kûringana na ûrîa Ngai-Mûnene aathanîte na njîra ya arathi ake.

2Maû 29:36

Mûthamaki Hezekia na andû onthe nîmaakenire nîûndû wa maûndû marîa Ngai aamavotithîtie gwîka, nîûndû maûndû mau nîmeekîkire na îvenya mûno.

2Maû 8:15

Athînjîri-Ngai na Alawi nîmaavingirie maûndû monthe marîa maathîtwe nî Daudi wana ma nyomba irîa ciaigagwa indo.

Ezira 7:27

Nake Ezira nîwacokire akiuga atîrî, “Ngai-Mûnene, Ngai wa methe metû ma tene arokumua! Nîûndû nîatûmîte mûthamaki agîe na wendi wa kûva gîtîîo hekarû ya Ngai-Mûnene îrîa îrî Jerusalemu.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Ciîko 4:19

Nwatî Petero na Johana nîmaamacokerie atîrî, “Mue ene tuani ûndû ûrîa mwagîrîru methorî ma Ngai. Tuani kana nîmue tûkwathîkîra kana nîtwathîkîra Ngai.

2Akor 3:5

Tûtirauga atî tûrî na ûvoti wa kûruta wîra ûyû. Ngai nîke ûtûvotithagia kûruta wîra ûrîa wonthe tûrutaga.

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

1Ath 4:2

Nîûndû nîmwîcî maûndû marîa twamûtaarire mwîkage twathîtwe nî Mwathani Jesû.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!