2Maû 3:8 - ÎVUKU RÎA ÛVORO MWARO

⁸ Nîwacokire agîtuma vandû varîa vatheru mûno. Ûraca wa vo warî wa mita kenda (9) na wariî wa mita kenda (9) ta wariî wa hekarû. Nîwatûmîre tani mîrongo îîrî (20) cia thaavu ntheri kûvaka vandû varîa vatheru mûno.

2Maû 3:8 ပူးပေါင်းရင်းမြစ်များ

1Atha 6:16

Ndaarî ya hekarû mwena wa vuva, Solomoni nîwatumire kanyomba nîguo gatuîke vandû varîa vatheru Mûno. Kanyomba kau kaarî na ûraca wa mita kenda na kagaanîtue na mbaû cia mîtarakwe kuuma nthî nyinya îgûrû.

Ntha 26:33

Curia gîtambaa kîu mbatharî irîa irî îgemarî îgûrû, na vuva wa gîtambaa wige îthandûkû rîa kîrîkanîro rîrîa rîrî na ivengere igîrî cia mathiga. Gîtambaa gîkaagaania îgema maita maîrî: vandû varîa vatheru na vandû varîa vatheru Mûno.

Ezek 41:4

Nîwathimire ûraca wa kanyomba ko kene, nako kaarî ka ûraca wa mita îkûmi (10), na wariî wa mita îkûmi (10). Kanyomba kau kaarî hekarûrî mbere ya vandû varîa vatheru Mûno. Mûndû ûcio nîwambîrire atîrî, “Ava nîvo vandû varîa vatheru Mûno.”

Ahib 10:19

Ariû na aarî a îthe wetû, tûrî na ûmîrîru wa gûtonya varîa vatheru Mûno na njîra ya gîkuû Kîam Jesû Kristû.

Ahib 9:3

Vuva wa gîtambaa gîa kaîrî kûu îgemarî ndaarî kwarî na îgema rîrîa rîetagwa “Vandû varîa vatheru Mûno.”

Ahib 9:9

Gîkî nî kîonereria Kîam îvinda rîîrî tûrî. Maûndû mama monthe monanagia atî iveo na magongoona ma nyamû marîa tûrutagîra Ngai matingîvota gûtûma thamiri ya mûndû ûrîa ûragooca Ngai îtuîke nginyanîru.