2Maû 29:34 - ÎVUKU RÎA ÛVORO MWARO

³⁴ Nwatî Athînjîri-Ngai maarî anini mûno na matingîavotire kûthînja nyamû icio cionthe cia matega ma kûvîvua. Kwoguo andû ao, Alawi nîmaamatethirie nginya wîra ûcio ûkîthira. Vîndî îo athînjîri-Ngai engî eengî nîmeetheretie. (Alawi meethagîrwa marî atheru gûkîra athînjîri-Ngai.)

2Maû 29:34 ပူးပေါင်းရင်းမြစ်များ

2Atha 12:6

Nwatî mwakarî wa mîrongo îîrî na îthatû (23) Joashi arî mûthamaki, athînjîri-Ngai matiatûmîte andû macoke hekarûrî.

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

2Maû 29:33

Nyamû cia kûrîthua irîa ciamûrirwe irî cia matega ciarî: ndegwa magana matandatû (600) na ng'ondu ngiri ithatû (3,000).

2Maû 29:5

na akîmeera atîrî, “Tanthikîrîriani mue Alawi! Îîtherieni na mûtherie hekarû ya Ngai-Mûnene, Ngai wa methe menyu. Rutani indo cionthe irî mûgiro vandû varîa vatheru.

2Maû 30:15

Na mûthenya wa îkûmi na îna wa mweri wa kaîrî, nîmaaûragire ng'ondu ya pasaka. Athînjîri-Ngai na Alawi nîmegwire nthoni mûno na makîîtheria. Nîmaacokire makîrete matega ma kûvîvua kûrî Ngai-Mûnene.

2Maû 30:24

Hezekia, mûthamaki wa Juda nîwavere andû ndegwa ngiri îmwe na ng'ondu ngiri mûgwanja (7,000) cia kûrîwa nî andû. Nao anene nîmaaveere andû ndegwa ngiri îmwe (1,000) na ng'ondu ngiri îkûmi (10,000). Athînjîri-Ngai eengî nîmeetheririe.

2Maû 30:3

nîûndû matiavota gûkûngûîra pasaka kavinda karîa kaarî kagîrîru nîûndû athînjîri-Ngai matiarî eganu, na andû matiagomanîte Jerusalemu.

2Maû 35:11

Nîmaaûragire ndûrûme cia pasaka, nao athînjîri-Ngai magîoca nthakame ya ndûrûme icio na makîmîminjaminja metharî ya kîgongoona, na Alawi makîithînja.

Ezira 6:20

Athînjîri-Ngai na Alawi nîmaagîre na mambura ma kwîtheria nîguo matuîke etîkîrîku nîûndû wa kûgooca Ngai. Kwoguo Alawi nîmaaûragire tûtûrûme nîûndû wa îgongoona rîa pasaka ya andû onthe a Isiraeli arîa maacokete kuuma Babuloni îthamîriorî, na nîûndû wao wa vamwe na athînjîri-Ngai.

Thaburi 26:6

Nîrethambia njara ciakwa monanie atî ndirî na mavîtia, na nthiûrûrûke metha yaku ya kîgongoona ngîkûgooca, we Ngai-Mûnene,

Thaburi 7:10

Ngai nîke ûngitagîra, na nîavonokagia arîa mamwathîkagîra.

Thaburi 94:15

Ciira nîûgaacoka rîngî gûtucagwa na kîvooto, na andû onthe arîa atheru ngoro nî makaarûmîrîra kîvooto kîu.

Ezek 44:11

Magaatungataga hekarûrî yakwa marî arangîri a ivingo, na marutage mawîra mengî ma hekarû. Makaathînjaga nyamû irîa irutîtwe cia magongoona ma kûvîvua na cia magongoona mengî na matungatage andû.

Ndari 18:3

Makaarutaga mawîra marîa ûkaamavecaga, na matungatage îgemarî. Nwatî matiagîrîrwe nî gûkuvîvîria indo cia vandû varîa vatheru kana metha ya kîgongoona, nîûndû mûngîgeeka ûguo, we wana o, nî mûgaakua.

Ndari 8:15

Warîkia kûmatheria na kûmamûra, nîmagaatuîka andû agîrîru a kûruta wîra îgemarî rîa Ngai-Mûnene.

Ndari 8:19

Nîmvecanîte Alawi kûrî Aroni na avîcî ake marî kîveo kuuma kûrî Aisiraeli, nîguo matungatagîre Aisiraeli îgemarî rîa Ngai-Mûnene, na mamagitagîre kûrî thîna ûrîa mangîcemania naguo mangîkuvîrîria varîa vatheru Mûno.”