2Maû 29:31 - ÎVUKU RÎA ÛVORO MWARO

³¹ Mûthamaki Hezekia nîwacokire akiuga atîrî, “Rîu nîmwetheria mbere ya Ngai-Mûnene, kuvîvîriani hekarû mûrete magongoona na matega ma gûcokia ngatho kûrî Ngai-Mûnene.” Andû onthe nîmaavirire magongoona na matega ma gûcokia ngatho, na engî nîmaaretire matega ma kûvîvua na njîra ya kwîyendera.

2Maû 29:31 ပူးပေါင်းရင်းမြစ်များ

2Maû 13:9

Kinthî mûtiengatire athînjîri-Ngai a Ngai-Mûnene, njiarwa cia Aroni na Alawi na mûkîîthuurîra athînjîri-ngai enyu ta andû a mavûrûri marîa mengî? Mûndû wa wonthe ûngîûka kwîyamûra arî na ndegwa îtarî ngûrû kana ndûrûme mûgwanja nîatuîkaga mûthînjîri-Ngai wa indo icio mwîtaga ngai cienyu.

2Maû 29:32

Nyamû cia matega ma kûvîvua ma Ngai-Mûnene irîa ciarutirwe ciarî: ndegwa mîrongo mûgwanja (70), ndûrûme îgana rîmwe (100) na tûgondu magana maîrî (200). Icio cionthe ciarî cia matega ma kûvîvua kûrî Ngai-Mûnene.

Ezira 1:4

Ethîrwa andû ake onthe arîa matigarîte îthamîriorî nîmakenda gûcoka, andû arîa mariganîtie nao nîmakaamava ûtethio. Naguo ûtethio ûrîa makaamava nî wa sîlûva, thaavu na indo ciîngî na nyamû irîa irîthagua, wa vamwe na indo cia kûruta na njîra ya kwîyendera nîûndû wa hekarû ya Ngai îrîa îrî Jerusalemu.”

Ntha 35:22

Kwoguo andû onthe arîa maarî na ngoro irî na wendi arûme na aka nîmaaretire indo cia mîthemba mîîngî cia thaavu ta mindo, mbete, mîkathî na mathaga ma mîthemba yonthe ma thaavu na magîciamûrîra Ngai-Mûnene.

Ntha 35:5

Rutagîrani Ngai-Mûnene matega. Mûndû wa wonthe ûrî na wendi wa gwîka ûguo nîaretagîre Ngai-Mûnene matega ma thaavu, sîlûva, na gîcango,

Ezek 46:12

Mûnene angîenda kûrutîra Ngai-Mûnene îtega na njîra ya kwîyendera rîa kûvîvua kana rîa thayû, akaavingûragîrwa kîvingo Kîam mwena wa îrathîro. Arîkia kûruta îgongoona rîake wata ûrîa arutaga mûthenya wa thavatû akauma na kîvingo gîgîcoka gîkîvingwa rîngî.”

Alawi 23:38

Ino nî irugo ciîngî kwongerera kîrîa Kîam thavatû, namo mama nî matega mengî kwongerera iveo irîa mûrutagîra Ngai-Mûnene, matega marîa mûrutaga nîûndû wa kûvingia mîvîtwa, na matega marîa mûrutaga na njîra ya kwîyendera.)

Alawi 7:11

Mawatho mama marûmîrîrîte nîmo megiî matega ma ngwatanîro, marîa mûndû angîrutîra Ngai-Mûnene.

Alawi 7:12

Ethîrwa mûndû akîruta îtega nîûndû wa gûcokia ngatho, nîakaarutanîria îtega rîu vamwe na geki itarî mbîkîre ndawa ya kwimbia îtukanîtue na maguta, tûmîgate tûceke tûvakîtwe maguta vamwe na geki îrugîtwe na mûtu mûvinyu ûtukanîtue na maguta.