2Maû 29:19 - ÎVUKU RÎA ÛVORO MWARO

¹⁹ Nîtûratheririe indo cionthe irîa mûthamaki Ahazi aarutîte hekarûrî na twaicokia na irî mbere ya metha ya kîgongoona ya Ngai-Mûnene. Ahazi aarutîte indo icio nîûndû ndeevokete Ngai-Mûnene vîndî îrîa aarî mûthamaki.”

2Maû 29:19 ပူးပေါင်းရင်းမြစ်များ

2Atha 16:14

Ahazi nîwarutire metha ya kîgongoona ya gîcango îrîa yamûrîrîtwe Ngai-Mûnene, îrîa yarî gatagatî ka metha yake ya kîgongoona na hekarû na akîmîvira mwena wa rûgûrû wa metha yake ya kîgongoona.

2Atha 16:17

Mûthamaki Ahazi nîwarutire itugî cia gîcango irîa ciatûmagîrwa hekarûrî, na akîruta irîa ciaigîrîrîtwe îgûrû rîacio; nîwacokire akîruta îtangi rîa gîcango kuuma îgûrû rîa mîvuanano îkûmi na îîrî ya ndegwa cia gîcango na akîrigîrîra îthigarî rîa mûcingi.

2Maû 28:24

Mûthamaki Ahazi nîwaûnganirie vamwe indo cia hekarû na agîciunanga icunjî. Nîwacokire akîvinga mîrango ya hekarû na agîtuma metha cia magongoona mîena yonthe ya Jerusalemu.

2Maû 29:18

Alawi nîmaacokire makîthiî kûrî mûthamaki Hezekia na makîmwîra atîrî, “Nîtûratheririe hekarû yonthe, Metha ya kîgongoona ya kûrutîra matega ma kûvîvua na indo cionthe ciayo, na metha îrîa igagwa mîgate îrîa mîamûre na indo cionthe ciayo.

2Maû 29:20

Mûthenya ûcio wîngî kîraûko, mûthamaki Hezekia nîwaûkîrire na agîta anene onthe a îtûûra na makîthiî hekarûrî.