2Maû 28:7 - ÎVUKU RÎA ÛVORO MWARO

⁷ Zikiri, mûthigari warî njamba ya mbaara wa kuuma Efiraimu, nîwaûragire Maaseia mûvîcî wa mûthamaki Ahazi na akîûraga Azirikamu mûnene wa nyomba ya mûthamaki, na akîûraga Elikana ûrîa warûmîrîrîte mûthamaki wathanirî.

2Maû 28:7 ပူးပေါင်းရင်းမြစ်များ

Kîam 41:43

Nîwacokire akîmûva ngari ya mbarathi ya kûmûkuua îrîa yarî ya kaîrî. Nîwamûvere andû a kûmûrangagîra nîguo mathiîcage nake makîanagîrîra atîrî, “Thengutani njîrarî! Thengutani njîrarî!” Kwoguo Josefu nîwatuirwe mûrûngamîrîri wa vûrûri wonthe wa Misiri.

Kîam 43:12

Kuuani mbeca maita maîrî; mûthiî na mbeca irîa ciacokirue igîkîrwa nguniarî cienyu vîndî îrîa îngî, nîûndû nwa kwîthîrwa nîkwa kwagîîre na mavîtia.

Kîam 43:15

Kwoguo anake acio a îthe ûmwe nîmoocire iveo, mbeca maita maîrî, makiumagara mathiîte Misiri marî vamwe na Benjamini na makîthiî kûrî Josefu.

2Maû 28:6

Mûthamaki Peka mûvîcî wa Remalia nîwaûragire athigari ngiri îgana rîmwe rîa mîrongo îîrî (120,000) a Juda arîa maarî njamba mûthenya ûmwe, nîûndû nîmaatiganîrîtie Ngai-Mûnene, Ngai wa methe mao.

2Maû 28:8

Athigari a mbaara a Isiraeli nîmaatavire andû ngiri magana maîrî (200,000) a kuuma Juda, aka, anake na erîtu wana ethîrwa nîmaakonenie. Andû a Isiraeli nîmaamavirire Samaria wa vamwe na indo nyîngî irîa maatavîte.

Esita 10:3

Moridekai aarî wa kaîrî wathanirî kuuma kûrî mûthamaki Ahasuerusi. Aarî mûtîîe mûno na akendwa nî Ayahudi arîa engî. Nîwarutaga wîra mwaro mûno kûrî andû ake nîguo magîe na ûtûûro mwaro na njiarwa ciake cionthe ciîthagîrwe irî na thayû.