2Maû 28:6 - ÎVUKU RÎA ÛVORO MWARO

⁶ Mûthamaki Peka mûvîcî wa Remalia nîwaûragire athigari ngiri îgana rîmwe rîa mîrongo îîrî (120,000) a Juda arîa maarî njamba mûthenya ûmwe, nîûndû nîmaatiganîrîtie Ngai-Mûnene, Ngai wa methe mao.

2Maû 28:6 ပူးပေါင်းရင်းမြစ်များ

2Atha 15:27

Mwakarî wa mîrongo îtano na îîrî (52) Azaria arî mûthamaki wa Juda, Peka, mûvîcî wa Remalia nîwatuîkire mûthamaki wa Isiraeli, na nîwathanire arî Samaria îvinda rîa mîaka mîrongo îîrî (20).

2Atha 15:37

Vîndî îo Jothamu aathanaga nîrîo Ngai-Mûnene aatûmire Rezini, mûthamaki wa Sîria na Peka, mûthamaki wa Isiraeli mathiî makatharîkîre Juda rita rîa mbere.

2Atha 16:5

Rezini, mûthamaki wa Sîria na Peka, mûthamaki wa Isiraeli nîmaatharîkîre îtûûra rîa Jerusalemu na makîrîthiûrûrûkîria, nwatî matiavoota Ahazi.

2Maû 13:17

Abija na athigari ake nîmaatharîkîre na makîûraga athigari eengî mûno a Isiraeli. Athigari arîa njamba a mbaara ngiri magana matano (500,000) a Isiraeli nîmaaûragirwe.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 21:10

Kuuma vîndî îo nginya ûmûnthî vûrûri wa Edomu ûtûûraga ûreganaga na wathani wa Juda. Kavindarî wa kau, andû a Libuna wa nao nîmaareganire na wathani wa Jehoramu mûthamaki wa Juda nîûndû Jehoramu nîwatiganîrîtie Ngai-Mûnene, Ngai wa methe make.

2Maû 28:7

Zikiri, mûthigari warî njamba ya mbaara wa kuuma Efiraimu, nîwaûragire Maaseia mûvîcî wa mûthamaki Ahazi na akîûraga Azirikamu mûnene wa nyomba ya mûthamaki, na akîûraga Elikana ûrîa warûmîrîrîte mûthamaki wathanirî.

Ayubu 34:27

nîûndû nîmatigîte kûmûrûmîrîra, na makaregana na watho wake.

Thaburi 37:38

Nwatî andû arîa evia nîmacûkangagua onthe, na njiarwa ciao ikathirua viû.

Isaia 1:28

Nwatî arîa mareganaga nake vamwe na evia nîmagacûkangua; na andû arîa mamûtiganagîria nîmakaaûragwa.

Isaia 3:25

Arûme enyu makaaûragwa na rûviû, nao andû enyu arîa njamba makaaûragîrwa mbaararî.

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Isaia 9:21

Manase na Efiraimu matharîkanagîra o ene, nao oîrî marî vamwe matharîkagîra Juda. Nîûndû wa maûndû mau monthe marakara ma Ngai-Mûnene tî mathiru, nwa atambûrûkîtie njara yake nîguo îverithanie.

Jeremia 15:6

Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Ezek 16:57

Kinthî ndwekire ûguo mbere ya maûndû maku marîa macûku mamenyeka? Rîu we ûtuîkîte wata Sodomu, ûgatuîka kîndû gîa kûthekagîrîrwa nî erîtu a Edomu na arîa mariganîtie nao, na erîtu a Filisiti na arîa mamathiûrûrûkîrîtie na makûmenete.

Gûco 28:15

“Nwatî ethîrwa mûtikaathîkîra na kinyi ûrîa Ngai-Mûnene Ngai wenyu akuuga, kana mûrege kûvingia maathani make na maûndû monthe marîa ngûmwatha ûmûnthî nîmûkaanyitwa nî irumi ino cionthe irûmîrîrîte na mûtûûre nacio nginya rîrîa ikaamûthiria.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 32:20

Nîwaugire atî, ‘Nîngaamathitha ûthiû wakwa,’ nîngaaroria mone ûrîa makaarîkîrîria, nîûndû nî rûciaro rûremi na andû matarî evokeku.

Josh 23:16

ethîrwa mûtikaarûmîrîra maathani make. Maathani mau nî marîa Ngai-Mûnene, Ngai wenyu aamwîrire mûrûmagîrîre. Na ethîrwa nîmûgaatungatîra na mûgooce ngai ciîngî na mûciînamîrîra, nîakaarakara nîmue na amûverithie. Na vuvarî gûtirî mûndû wana ûmwe gatagatîrî kenyu ûgaatigara vûrûrirî ûyû mwaro Ngai-Mûnene, Ngai wenyu amûveete.”

Josh 24:20

ethîrwa nwa mûtiganîrie Ngai-Mûnene na mûcoke gûtungatîra ngai ng'eni. Nîakaamûgarûrûka na amûverithie mûthire wana ethîrwa kûrî mue aarî Ngai mwaro.”