2Maû 28:26 - ÎVUKU RÎA ÛVORO MWARO

²⁶ Maûndû marîa mengî monthe marîa eekire na mîthiîre yake yonthe arî mûthamaki kuuma Kîammbîrîria nginya mûthiia, nîmandîke îvukuurî rîa ng'ano cia athamaki a Juda na a Isiraeli.

2Maû 28:26 ပူးပေါင်းရင်းမြစ်များ

2Maû 12:15

Maûndû ma Rehoboamu marîa eekire kuuma Kîammbîrîria nginya mûthiia nîmandîke îvukuurî rîa maûndû ma tene ma mûrathi Shemaia na ma mwoni Ido. Rehoboamu na Jeroboamu maatûûraga marûaga o ene.

2Maû 20:34

Maûndû mau mengî marîa mûthamaki Jehoshafati eekire kuuma Kîammbîrîria nginya mûthiia nîmandîke rûganorî rwa Jehu, mûvîcî wa Hanani. Na nîmandîke îvukuurî rîa maûndû ma tene ma athamaki a Isiraeli.

2Maû 21:20

Jehoramu aatuîkire mûthamaki arî na ûkûrû wa mîaka mîrongo îthatû na îîrî (32). Aathanire arî Jerusalemu îvinda rîa mîaka înana (8). Rîrîa aakwire gûtirî mûndû weririre. Nîwathikirwe îtûûrarî rîa Daudi, nwatî ndaathikwa mbîrîrarî irîa ciathikagwa athamaki.

2Maû 28:25

Nîwatumire kûndû gwa kûgoocagîra ngai cia mîvuanano na kûivîvîria ûbani matûûrarî monthe ma Juda. Ûndû ûcio nîwarakaririe Ngai-Mûnene, Ngai wa methe make.