2Maû 28:23 - ÎVUKU RÎA ÛVORO MWARO

²³ Nîwarutire magongoona kûrî ngai cia andû a Damesiki arîa maamûvootire akiuga atî, nîûndû ngai icio nîciatethirie Asîria ciavota kûmûtethia wanake. Nwatî ûndû ûcio nîwatûmire acûkangue wa vamwe na vûrûri wonthe wa Isiraeli.

2Maû 28:23 ပူးပေါင်းရင်းမြစ်များ

2Maû 25:14

Rîrîa Amazia aacokire arîkia kûvoota andû a Edomu, nîwaûkire na mîvuanano ya ngai irîa ciagoocagwa kuo na akîambîrîria kûigooca na kûirutîra magongoona.

Isaia 1:28

Nwatî arîa mareganaga nake vamwe na evia nîmagacûkangua; na andû arîa mamûtiganagîria nîmakaaûragwa.

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Jeremia 10:5

Mîvuanano yao îkariî ta inyamû cia kûvavûra iconi irî mûgûndarî wa marenge, ndîngîvota kwaria, nîkwa îkuagwa nîûndû ndîngîvota kûthiî. Ndûkamîtigîre nîûndû ndîngîka ûndû mûcûku, wana kana îka ûndû mwaro.”

Jeremia 2:25

Isiraeli ndûkanogie magûrû maku, kana ûng'aria mîmero yaku. Nwatî ugaga atî: ‘Gûtirî na kîîrîgîrîro, nîûndû nînendire ngai ng'eni, icio nîcio ngagoocaga.’ ”

Hosea 13:9

Nîngûmûcûkangia mue andû a Isiraeli; nû ûngîmûtethia?

Hosea 2:7

Nîakaarûmîrîra arata ake, nwatî ndakamoona; nîakaamacaria; nwatî ndakamoona. Nake nîagaacoka auge atîrî, “Nîngûcoka kwa mûthuuri wakwa wa mbere; nîûndû vîndî îo narî mwaro gûkîra rîu.”

Habakuku 1:11

Nîmacokaga makathiî na mbere ta rûkûngi, nîmekaga mavîtia na vinya wao nîguo ûtuîkîte ngai yao.”