2Maû 28:17 - ÎVUKU RÎA ÛVORO MWARO

¹⁷ nîûndû andû a Edomu nîmaaûkîte rîngî na makatharîkîra Juda na makanyita andû na makîthiî nao marî mîgwate.

2Maû 28:17 ပူးပေါင်းရင်းမြစ်များ

2Atha 8:22

Kwoguo andû a Edomu nîmaaregire kwathagwa nî mûthamaki wa Juda nginya ûmûnthî. Îvindarî wa rîu nwarîo andû a îtûûra înene rîa Libuna wanao maareganire na wathani wa Juda.

2Maû 21:8

Vîndî ya ûthamaki wa Jehoramu, andû a Edomu nîmaamûkanire na wathani wa Juda na makîgîa na ûthamaki wao.

2Maû 29:9

Kîu nîkîo gîatûmire methe metû maûragwa marî mbaararî na aka etû, erîtu etû na anake etû matavwe.

Ezek 25:12

Ngai-Mûnene Ngai arauga atîrî, “Andû a Edomu nîmeerîvîrîrie kûrî andû a Juda. Wîrîvîrîria ûcio wao warî mûcûku mûno,

Alawi 26:18

“Ethîrwa wana neka maûndû mau monthe mûtikaavingia Maathani makwa, nî ngaamûverithia makîria nîûndû wa mevia menyu.

Amosi 1:11

Ngai mûnene arauga atîrî, “Andû a îtûûra rîa Edomu matûûraga mevagia, kwoguo ndigaatiga kûmaverithia. Nîmaarûmîrîrie aa mûrwang'ina andû a Isiraeli na mviû, marî aa mûrwang'ina matiameguîra ntha, marakara mao kûrî o matiarî na kîthimi.

Obadia 1:10

“Maûndû macûku marîa mwekire aa mûrwanyûkwe njiarwa cia Jakovu, nîmo magaatûma mûconorithue na mûcûkangue tene na tene.