2Maû 28:15 - ÎVUKU RÎA ÛVORO MWARO

¹⁵ Atongoria acio magwetetwe marîîtwa mao nîmoocire mîgwate na indo cionthe irîa ciatavîtwe. Kuumana na indo irîa maatavîte, nîmaaveere mîgwate yonthe îrîa yarî njaga nguo, iratû, na makîmava irio, gîa kûnyua, na arîa maarî na ironda nîmaamavakire maguta ma ndamaiyû. Nao arîa mataarî na vinya nîmaamatwîthirie mvundarî ciao na makîmacokia kûrî andû ao Jeriko, îtûûra rîa mîtî ya mîkîndû. Andû a Efiraimu nîmaacokire magîcoka Samaria.

2Maû 28:15 ပူးပေါင်းရင်းမြစ်များ

2Atha 6:22

Nake Elisha nîwamûcokerie atîrî, “Naarî ndûkamaûrage, wana mûtikaûrage athigari arîa mûnyitîte. Marûmieni irio na mûmakundie kîndû gîa kûnyua, na mûmarekererie macoke kûrî mûthamaki wao.”

2Atha 6:23

Kwoguo mûthamaki wa Isiraeli nîwamarûthîre kîrugo kînene. Na rîrîa maarîkirie kûrîa na kûnyua, nîwamarekererie na magîcoka kûrî mûthamaki wao. Kuuma vîndî îo andû a Sîria matiacoka kûtharîkîra vûrûri wa Isiraeli rîngî.

2Maû 28:12

Atongoria ana a kuuma Efiraimu, Azaria mûvîcî wa Johanani, Berekia mûvîcî wa Meshilemothi, Jehizikia mûvîcî wa Shalumu na Amasa mûvîcî wa Hadilai nîmaareganire na ûguo athigari a mbaara meekîte.

2Maû 28:14

Kwoguo athigari a mbaara nîmaanenganîre andû arîa maarî mîgwate na indo irîa maatavîte kûrî anene na andû a Isiraeli arîa maagomanîte.

Ezira 2:34

îtûûra rîa Jeriko andû magan mathatû ma mîrongo îna na atano (345),

Nehemia 5:12

Nao atongoria nîmaacokirie atîrî, “Nîtûgwîka ûguo wauga, na nîtûkûmacokeria indo ciao tûtagwîtia kîndû.” Nînaacokire ngîta athînjîri-Ngai na ngîtûma mevîte na mauge atî nîmagwîka ûguo meranîra.

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Luka 6:27

“Namue andû arîa mûnthikîrîrîtie nîramwîra atîrî: Endagani nthû cienyu. Nao andû arîa mamûmenete mekageni waro.

Luka 8:27

Rîrîa Jesû aaumire îtarûrî na agîkinya nthî nyûmû, nîwatûngirwe nî mûndû warî na ngoma wa kuuma îtûûrarî rîu. Mûndû ûcio eekaraga arî njaga na ndaatûûraga mûciî, nwatî aatûûraga kûrîa mbîrîra ciarî.

Luka 8:35

Nao andû nîmaaumire mîciî kwao na makîthiî kwîyonera maûndû marîa meekîkîte. Na rîrîa andû acio maakinyire kûrî Jesû nî meegwire guoya nîûndû nîmeethîrîrie mûndû ûcio warutîtwe ngoma ekarîte nthî magûrûrî ma Jesû, ekîrîte nguo na arî na kîongo Kîamro.

Ciîko 9:39

Kwoguo Petero nîwaûkîrire na akîthiîcania nao. Na vîndî îrîa ke aakinyire kuo, etîkia nîmaamûvirire nyomba ya îgûrû. Nao aka a ndigwa nîmaathiûrûrûkîrie Petero makîrîraga, na makîmwonia cati na magooti marîa Dorokasi aatumîte rîrîa aarî mwoyo.

Aroma 15:1

Tue arîa tûrî na vinya wîtîkiorî nîtwagîrîrwe nî gûtethia arîa matarî na vinya wîtîkiorî, tûtigekenagie tue ene.

Gûco 34:3

Nîwamwonirie Negebu; kûndû kûrîa kwaraganu, kuuma Zoari nginya Kîamndarî Kîam Jeriko, îtûûra rîa mîtî ya mîkîndû.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

Atir 1:16

Njiarwa cia mûthoniwe wa Musa ûrîa warî Mûkeni, vamwe na andû a Juda nîciaumire Jeriko îtûûra rîa Mîkîndû na makîthiî werûrî wa Juda ûrîa ûrî Negebu vakuvî na Aradi. Kûu nîkuo maatûûranirie na Amaleki.