2Maû 28:12 - ÎVUKU RÎA ÛVORO MWARO

¹² Atongoria ana a kuuma Efiraimu, Azaria mûvîcî wa Johanani, Berekia mûvîcî wa Meshilemothi, Jehizikia mûvîcî wa Shalumu na Amasa mûvîcî wa Hadilai nîmaareganire na ûguo athigari a mbaara meekîte.

2Maû 28:12 ပူးပေါင်းရင်းမြစ်များ

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

2Maû 28:11

Rîu nthikîrîriani! Andû acio mwatavire nî aa mûrwanyûkwe na aa mwarwanyûkwe. Tigani macoke, nîûndû Ngai-Mûnene nî ûrakarîtue nî mue.”

2Maû 28:13

Nîmaamerire atîrî, “Mûtikarete mîgwate îo gûkû nîûndû kûu nî kwongerera mavîtia îgûrû rîa mevia marîa twîvîrîtie Ngai-Mûnene. Mavîtia metû nî meengî mûno na Ngai-Mûnene nî mûrakarie mûno nî andû a Isiraeli”

2Maû 28:15

Atongoria acio magwetetwe marîîtwa mao nîmoocire mîgwate na indo cionthe irîa ciatavîtwe. Kuumana na indo irîa maatavîte, nîmaaveere mîgwate yonthe îrîa yarî njaga nguo, iratû, na makîmava irio, gîa kûnyua, na arîa maarî na ironda nîmaamavakire maguta ma ndamaiyû. Nao arîa mataarî na vinya nîmaamatwîthirie mvundarî ciao na makîmacokia kûrî andû ao Jeriko, îtûûra rîa mîtî ya mîkîndû. Andû a Efiraimu nîmaacokire magîcoka Samaria.

Jeremia 26:6

nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”