2Maû 26:19 - ÎVUKU RÎA ÛVORO MWARO

¹⁹ Vîndî îo mûthamaki Uzia aarûngamîte hekarûrî vakuvî na metha ya kîgongoona ya kûvîvîria ûbani anyitîte kanyûngû ga kûvîvîrua ûbani. Nake nîwarakarirue nî athînjîri-Ngai acio na vîndî wa îo nîwanyitirwe nî mûrimû mûcûku wa ngothi ûthiûrî wake athînjîri-Ngai makîonaga.

2Maû 26:19 ပူးပေါင်းရင်းမြစ်များ

2Atha 16:12

Rîrîa mûthamaki aacokire kuuma Damesiki, nîwethîrîrie metha ya kîgongoona îrî ndîku. Nîwathiîre metharî îo ya kîgongoona na akîrutîra îtega îgûrû rîayo.

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

2Maû 26:20

Azaria mûnene wa athînjîri-Ngai, na athînjîri-Ngai acio engî onthe nîmaamûroririe na makîona atî na ma nîwanyitwa nî mûrimû mûcûku wa ngothi ûthiûrî wake. Nao nîmaamûrutire nja na îvenya, nake nîwetharire ke mwene kuuma vo nîûndû Ngai-Mûnene nîwamûverithîtie.

Alawi 13:10

Mûthînjîri-Ngai nîakaamûroria. Ethîrwa mûndû ûcio arî na îtoo rîîrî rîcerû ngothirî yake na rîgatûma njuîrî icerûve na rîrî na mavira,

Ndari 12:10

Rîrîa îtu rîaumire vau îgûrû rîa îgema, Miriamu nîwonekire arî na mûrimû mûcûku wa ngothi, na mwîrî wake wonthe ûcerûvîte ta îra. Rîrîa Aroni evûgûrire na akîona Miriamu arî na mûrimû mûcûku wa ngothi,