2Maû 26:16 - ÎVUKU RÎA ÛVORO MWARO

¹⁶ Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

2Maû 26:16 ပူးပေါင်းရင်းမြစ်များ

1Atha 12:33

Naguo mûthenya wa îkûmi na îtano mwerirî wa kanana, ûrîa aatuîte ke mwene, nîwathiîre Betheli kûrîa aatumîte metha ya kîgongoona na akîvîvîria ûbani kuo, agîcoka agîtua Aisiraeli makûngûagîre mûthenya ûcio.

1Atha 13:1

Ngai-Mûnene nîwathire mûndû wa Ngai kuuma Juda athiî Betheli. Nake rîrîa aakinyire nîwethîrîrie Jeroboamu arûngamîte vau metharî ya kîgongoona akîenda kûruta îgongoona.

2Atha 14:10

Nîma Amazia rîu nîûvootete andû a Edomu, na wî mwîcûre nî mwîtîîo. Îganîra na ngumo îo yaku na wîkare mûciî. Ûracaria thîna îrîa îgaakûretere mînyamaaro we na andû aku a Juda nîkî?”

2Atha 15:5

Ngai-Mûnene nîwaverithirie mûthamaki Azaria na njîra ya gûtûma anyitwe nî mûrimû mûcûku wa ngothi, ûrîa aarwarire nginya vîndî îrîa aakwire. Aatûûraga nyomba arî wenga. Mûvîcî Jothamu ûrîa warûngamagîrîra mûciî wa mûthamaki nîke watongoragia andû a vûrûri ûcio.

2Maû 12:1

Rehoboamu arîkia kwîvanda waro na ûthamaki wake ûkîgîa na vinya, ke vamwe na andû onthe a Isiraeli arîa aarî nao nîmaatiganîrie watho wa Ngai-Mûnene.

2Maû 25:19

Rîu we Amazia, ûreîra na ngoro na ûgetîîa atî nîwavootire andû a Edomu, nwatî îkara wa kûu mûciî. Ûracaria thîna nîkî na îgatûma we na andû a Juda mwona thîna?”

2Maû 26:15

Kûu Jerusalemu mavundi make nîmaathondekire indo cia gwikia mîguî na cia gwikia mathiga marîa manene. Indo icio ciarî nyombarî ndaca na mîenarî ya rûthingo rwa îtûûra. Ngai nîwamûtethirie kûgîa vinya mûno, na ngumo yake îgîtamba kûndû kuonthe.

2Maû 27:2

Nîwekire maûndû marîa maakenagia Ngai-Mûnene wata ûrîa îthe Uzia eekîte. Nwatî Jothamu ndaatonya hekarûrî ya Ngai-Mûnene. Kûnarî ûguo, andû nîmaathiîre na mbere gwîka maûndû macûku.

2Maû 32:25

Nwatî Hezekia nîwaregire gûcokeria Ngai-Mûnene ngatho nîûndû wa maûndû marîa aamwîkîte. Hezekia nîwagîre na mwîtîîo na ûndû ûcio ûgîtûma Juda na Jerusalemu iverithua nî Ngai-Mûnene.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Danieli 11:12

Nîagaakena mûno arîkia kûvoota gîkundi kîu Kîam athigari a Sîria, nwatî ndagaatûûra avootanaga.

Danieli 8:8

“Nthenge nîyetîire mûno makîria. Nwatî vîndî îrîa yegucaga îrî na vinya mûno, rûvîa rwayo rûrîa rwarî rûnene nîrwaunîkire na vandûrî va ruo, mvîa ciîngî inya ciarî na vinya nîciaumîrire, wa rûvîa rûroretie mwene wa ruo.

Habakuku 2:4

Ino nîyo ndûmîrîri: ‘Taroria arîa marî mwîtîîo nîmagacûkangua, nao arîa athingu nîmagatûûra nîûndû wa gwîtîkia Ngai.’ ”

Ndari 16:1

Kora mûvîcî wa Iziharu aarî Mûlawi kuuma mûvîrîgarî wa Kohathu. Kora nîwetire Dathani, Abiramu na Oni a kuuma mûvîrîgarî wa Reubeni,

Ndari 16:18

Kwoguo wa mûndû nîwocire kanyûngû ga kûvîvîrua ûbani, agîkîra makara marî na mwaki, na ûbani. Andû onthe nîmaarûngamire marî na Musa na Aroni mûromorî wa îgema rîa Ngai-Mûnene.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Ndari 16:7

na rûyû mûgeekîra makara marî na mwaki na ûbani na mûûvîvîrie metharî ya kîgongoona, na nîtûkaamenya mûndû ûrîa Ngai-Mûnene athuurîte. Mue Alawi mûrî atûru gacere!”

Ndari 17:5

Mûragi wa mûndû ûrîa ngaathuura nîûkaauma mathangû. Ûguo nîguo ngaathiria mateta marîa andû a Isiraeli methagîrwa namo îgûrû rîaku.”

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:17

Kwoguo îîmenyerereni mûtigecirie atî mûtongete nîûndû wa ûvoti kana vinya wenyu.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,