2Maû 26:12 - ÎVUKU RÎA ÛVORO MWARO

¹² Atongoria onthe a athigari a mbaara arîa maarî vinya na njamba maarî ngiri igîrî na magana matandatû (2,600).

2Maû 26:12 ပူးပေါင်းရင်းမြစ်များ

2Maû 13:3

Abija nîwathiîre mbaararî arî na athigari njamba a mbaara ngiri magana mana (400,000), nake Jeroboamu nîwathiîre kûrûa na Abija arî na athigari njamba a mbaara ngiri magana manana (800,000).

2Maû 26:11

Makîria ya ûguo Uzia aarî na athigari a mbaara meevarîrîtie kûrûa. Maagaanîtue ikundi ikundi na mûtaratara wao waigîtwe nî Jeieli karani wa vûrûri na mûnene Maaseia. Mûtongoria wao aarî Hanania ûmwe wa anene a athigari a mbaara a mûthamaki.

2Maû 26:13

Athigari onthe a mbaara arîa maarî rungu rwao maarî ngiri magana mathatû ma mûgwanja na magana matano (307,500). Athigari acio nîmaarutîtwe waro kûrûa na maarî na vinya wa gûtethia mûthamaki kûrûa na nthû ciake.

Ezira 8:1

Ûyû nîguo mûtaratara wa anene a nyomba cia andû a Isiraeli na njiarwa cia andû arîa maathiîcanirie na Ezira kuuma Babuloni kûthiî Jerusalemu. Vîndî îo Aritakiserikise nîke warî mûthamaki wa vûrûri ûcio.