2Maû 25:8 - ÎVUKU RÎA ÛVORO MWARO

⁸ Nwatî ûngîthiî nao ûgîciragia atî ûkaavootana, ndûkaavootana. Ngai nîke wî na ûvoti wa gûtûma ûvootana kana ûvootwe, ke nîagaakûrekereria ûvootwe nî nthû ciaku.”

2Maû 25:8 ပူးပေါင်းရင်းမြစ်များ

2Maû 1:12

Kwoguo nînakûva ûûgî na ûmenyo. Na nîngûkûva indo, ûtonga, na gîtîîo gûkîra mûthamaki wa wonthe wa arîa maarî mbere yaku kana arîa magaaûka vuva waku.”

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 18:14

Rîrîa Mikaia aakinyire, mûthamaki nîwamûririe atîrî, “Mikaia, nîtwagîrîrwe nî kûthiî kûtharîkîra îtûûra rîa Ramothi-gileadi kana tûtiagîrîrwe?” Nake Mikaia nîwamûcokerie atîrî “Thiîni mûkarîtharîkîre na nîmûkûvootana. Ngai-Mûnene nîakûmûvotithia kûvootana.”

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

2Maû 26:7

Ngai nîwamûvotithirie kûvoota Afilisiti na Arabu arîa maarî Guribaali na kûvoota Ameuni.

Ayubu 5:18

Nîûndû ke nîativagia nwatî nîacokaga akamwova, na nîatemaga mûndû na akamûvonia.

Ayubu 9:13

“Marakara ma Ngai matingîgirîrîkia; arîa matethagia njûnamatu îrîa îtagwa Rahabu, nîmamwînamagîrîra.

Thaburi 20:7

Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.

Thaburi 24:1

Nthî na indo cionthe irîa irî kuo nî cia Ngai-Mûnene, nthî nî yake wana andû onthe arîa matûûraga kuo nî ake.

Thaburi 33:10

Ngai-Mûnene nîagiragia mîvango ya mavûrûri îvinga, nîagiragia andû mavingia mîvango yao.

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Thaburi 62:11

Nîmbîguîte mavinda meengî Ngai akiuga atî ûvoti nî wake,

Thaburi 89:43

Nîûtûmîte indo ciake cionthe cia mbaara ituîka cia mana, nîûmûrekereretie avootwe arî mbaararî.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Hagai 2:8

Sîlûva na thaavu yonthe gûkû nthî nî ciakwa.

Mathaayo 26:45

Ke nîwacokire rîngî varîa arutwa maarî, na akîmeera atîrî, “Anga nginya rîu mûrî toro mûvurûkîte? Ta roriani! Îvinda nîrîakinya na Mûrû wa Mûndû nîakûnenganîrwa kûrî evia.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

Afil 4:19

Ngai wakwa akaamûvecaga kîrîa kîonthe mûvataraga kûringana na ûtonga wake mwîngî ûrîa ûvecanagwa na njîra ya Jesû Kristû.

Atir 7:7

Ngai-Mûnene nîwerire Gideoni atîrî, “Nîngamûvotithia kûvoota Amidiani mûrî na andû magana mathatû acio maatavire manjî na mvî na makînyua. Îra andû acio engî onthe menûke.”

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”