2Maû 25:4 - ÎVUKU RÎA ÛVORO MWARO

⁴ Nwatî ndaaûragithia ciana ciao. Eekire wata ûrîa Ngai-Mûnene athanîte wathorî wa Musa atîrî, “Methe matikaaûragwa nîûndû wa mevia ma ciana ciao, kana ciana ciûragwe nîûndû wa mevia ma methe mao. Nwatî wa mûndû akaaûragwa nîûndû wa mevia make ke mwene.”

2Maû 25:4 ပူးပေါင်းရင်းမြစ်များ

2Maû 25:5

Mûthamaki Amazia nîwacokire akîgomania andû a Juda vamwe. Nîwacokire akîgaania andû a Juda na andû a Benjamini ikundi cia athigari a mbaara kûringana na mbarî ciao. Nîwaigire anene a kûrûngamagîrîra ikundi imwe cia athigari ngiri îmwe na ikundi ciîngî cia athigari îgana rîmwe. Nîwatarire arûme onthe arîa maarî na ûkûrû wa mîaka mîrongo îîrî kûthiî na mbere. Nao onthe maarî arûme ngiri magana mathatû (300,000), arîa mangîvota kûrûa na maicî gûtûmîra matumû na ngo.

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Gûco 24:16

“Aciari matikaaûragwa nîûndû wa wîvia wa ciana ciao, nacio ciana itikaaûragwa nîûndû wa wîvia wa aciari ao. Wa mûndû akaaûragwa nîûndû wa wîvia ûrîa ekîte ke mwene.