2Maû 25:26 - ÎVUKU RÎA ÛVORO MWARO

²⁶ Maûndû marîa mengî monthe marîa mûthamaki Amazia eekire kuuma ma mbere nginya ma mûthiia nîmandîke îvukuurî rîa athamaki a Juda na a Isiraeli.

2Maû 25:26 ပူးပေါင်းရင်းမြစ်များ

1Atha 14:19

Maûndû marîa mengî monthe marîa Jeroboamu eekire, mbaara irîa aarûire na ûrîa aathanire, nîmandîke Îvukuurî rîa Maûndû ma Tene ma Athamaki a Isiraeli.

1Atha 14:29

Maûndû marîa mengî monthe marîa mûthamaki Rehoboamu eekire nîmandîke îvukuurî rîa maûndû ma tene ma Athamaki a Juda.

2Atha 14:15

Maûndû marîa mengî monthe marîa Jehoashi eekire, wa vamwe na ûcamba ûrîa oonanirie rîrîa maarûaga na Amazia, mûthamaki wa Juda nîmandîke Îvukuurî rîa Maûndû ma Tene ma Athamaki a Isiraeli.

1Maû 29:29

Maûndû marîa Daudi eekire arî mûthamaki kuuma Kîammbîrîria, nginya mûthiia nîmandîke mandîkorî ma arathi athatû. Arathi acio nî Samueli, Nathani na Gadi.

2Maû 20:34

Maûndû mau mengî marîa mûthamaki Jehoshafati eekire kuuma Kîammbîrîria nginya mûthiia nîmandîke rûganorî rwa Jehu, mûvîcî wa Hanani. Na nîmandîke îvukuurî rîa maûndû ma tene ma athamaki a Isiraeli.

2Maû 25:25

Amazia ûrîa warî mûthamaki wa Juda nîwatûûrire îvinda rîa mîaka îkûmi na îtano (15) kuuma Joashi mûvîcî wa Jehoahazi, ûrîa warî mûthamaki wa Isiraeli akua.

2Maû 25:27

Kuuma rîrîa Amazia aatiganîrie Ngai-Mûnene andû a Jerusalemu nîmaavangire maregane nake. Mûthiiarî nîwaûrire akîthiî îtûûrarî rîa Lakishi. Nwatî andû acio maareganaga nake nîmaatûmire andû mathiî mamûrûmîrîrie kûu Lakishi na nîmaamûragîre kuo.

2Maû 26:22

Mûrathi Isaia mûvîcî wa Amosi nîwandîkire maûndû marîa mengî monthe marîa mûthamaki Uzia eekire kuuma Kîammbîrîria nginya mûthiia.

2Maû 27:7

Maûndû marîa mengî monthe marîa meekirwe nî mûthamaki Jothamu, mbaara irîa aarûire, nîmandîke îvukuurî rîa ng'ano cia athamaki a Isiraeli na a Juda.

2Maû 32:32

Maûndû marîa mengî monthe marîa Hezekia eekire na ciîko ciake mbaro nîmandîke cionekirî cia mûrathi Isaia mûvîcî wa Amozu, îvukuurî rîa athamaki a Juda na a Isiraeli.

2Maû 35:27

na ciîko ciake kuuma Kîammbîrîria nginya mûthiia nîmandîke îvukuurî rîa ng'ano cia athamaki a Isiraeli na a Juda.

2Maû 36:8

Maûndû mengî monthe marîa Jehoiakimu eekire arî mûthamaki, maûndû macûku marîa eekire na mavîtia marîa oonirwe namo, nîmandîke îvukuurî rîa ng'ano cia athamaki a Isiraeli na a Juda. Nake mûvîcî Jehoiakini nîwatuîkire mûthamaki vuva wake.