2Maû 25:20 - ÎVUKU RÎA ÛVORO MWARO

²⁰ Nwatî Amazia ndaathikîrîria, nîûndû warî mûvango wa Ngai atî Amazia na andû ake mavootwe nîûndû nîmaagoocete ngai cia mîvuanano cia Edomu.

2Maû 25:20 ပူးပေါင်းရင်းမြစ်များ

1Atha 12:15

Kwoguo mûthamaki nîwaregire kûthikîrîria andû; nîûndû wendi wa Ngai-Mûnene warî wa kûvingia ûrîa eerîte Jeroboamu, mûvîcî wa Nebati na njîra ya mûrathi Ahija wa Shilo.

2Maû 10:15

Kwoguo mûthamaki ndaathikîrîria wendi wa andû. Ngai-Mûnene, Ngai nîke watûmire gwîkîke ûguo nîguo ciugo irîa ciarirue kûrî Jeroboamu mûvîcî wa Nebati kûvîtûkîra kûrî mûrathi Ahija wa kuuma Shilo ivinge.

2Maû 22:7

Ngai nîwathondekete mûvango wa kûûraga Ahazia. Kwoguo rîrîa Ahazia aakinyire Jezireeli, nîmaaumagarire na mûthamaki Joramu nîguo mathiî magatûnge Jehu mûvîcî wa Nimushi. Ngai-Mûnene nîwathuurîte Jehu nîguo akathirie mûciî wa Ahabu.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

2Maû 25:19

Rîu we Amazia, ûreîra na ngoro na ûgetîîa atî nîwavootire andû a Edomu, nwatî îkara wa kûu mûciî. Ûracaria thîna nîkî na îgatûma we na andû a Juda mwona thîna?”

2Maû 25:21

Kwoguo Joashi, mûthamaki wa Isiraeli nîwaumagarire na akîtharîkîra vûrûri wa Juda. Nao nîmaarûîre vandû vetagwa Bethishemeshi vûrûrirî wa Juda.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.