2Maû 25:15 - ÎVUKU RÎA ÛVORO MWARO

¹⁵ Kwoguo Ngai-Mûnene nîwarakarirue nî ûndû ûcio, agîtûma mûrathi kûrî Amazia akamûrie atîrî, “Nîndûî kîratûma ûgooca ngai cia mîvuanano cia andû a Edomu na ngai icio itiavonokia andû ao kuuma kûrî mue?”

2Maû 25:15 ပူးပေါင်းရင်းမြစ်များ

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 20:37

Eliezeri mûvîcî wa Dodavahu wa kuuma îtûûrarî rîa Maresha, nîwarathire maûndû na agîkaania Jehoshafati akîmwîra atîrî, “Nîûndû nîmwanyitanîra na Ahazia, Ngai-Mûnene nîagûcûkangia indo icio mûrûthire.” Meri icio nîciacûkangire na itiavota kûthiî Tarishishi.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

2Maû 24:20

Roho wa Ngai nîwanyûrûrûkire kûrî Zakaria mûvîcî wa Jehoiada mûthînjîri-Ngai. Nîwarûngamire vandû andû onthe maavotaga kûmwona na akîmeera atîrî, “Ngai araûria, nîndûî gîtûmaga mune maathani ma Ngai-Mûnene! Mûtingîthatûkwa nîûndû nîmûmûregete; kwoguo wanake nîamûregete.”

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

2Maû 25:7

Nwatî mûndû wa Ngai nîwerire Amazia atîrî, “Mûthamaki, ndûkathiî mbaararî na athigari a Isiraeli nîûndû Ngai-Mûnene ndarî vamwe na andû a Isiraeli, ndarî vamwe na andû aya onthe a Efiraimu.

2Maû 28:9

Kwarî mûrathi wa Ngai-Mûnene wetagwa Odedi na watûûraga kûu Samaria. Nîwaumagarire akîthiî gûtûnga athigari a mbaara a Isiraeli vamwe na athigari arîa maatavîte a Juda rîrîa maarî vakuvî gûtonya Samaria. Nîwamerire atîrî, “Ngai-Mûnene, Ngai wa methe menyu nîwarekererie andû a Juda kûrî mue nîûndû nîwarakarîtue nîo. Nwatî Ngai nîwonete ûrîa mûragîte andû acio mûtakûmacaîra.

Thaburi 96:5

Nîûndû ngai cionthe cia mavûrûri marîa mengî nî mîvuanano tu, nwatî Ngai-Mûnene nîke waûmbire îgûrû na indo irîa irî kuo.

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Jeremia 10:5

Mîvuanano yao îkariî ta inyamû cia kûvavûra iconi irî mûgûndarî wa marenge, ndîngîvota kwaria, nîkwa îkuagwa nîûndû ndîngîvota kûthiî. Ndûkamîtigîre nîûndû ndîngîka ûndû mûcûku, wana kana îka ûndû mwaro.”

Jeremia 10:7

Nû ûtangîgwîtigîra we mûthamaki wa mavûrûri? We nîwagîrîrwe nî gûtîewa, nîûndû gatagatîrî ka andû arîa aûgî onthe a mavûrûri, na gatagatî ka athamaki ao onthe, gûtirî wîkariî tawe.

Jeremia 2:5

Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?

Jeremia 48:13

Nao andû a Moabu nîmagaaconoka nîûndû wa ngai yao Kemoshi, wata ûrîa andû a Isiraeli maaconokire nîûndû wa Betheli, ngai îrîa mevokete.

1Akor 10:20

Naarî! Ûrîa nîrenda kuga nî atî andû arîa matetîkîtie marutaga magongoona mao kûrî ndaimono, nwatî tî kûrî Ngai. Na ndirenda mûtuîke a ngwatanîro na ndaimono.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

Atir 18:24

Nake Mika nîwacokirie atîrî, “Mûrauga atîa rîrîa mûrambûria, nîrenda atîa? Mwakuua ngai îrîa naathondekire na mwathiî na mûthînjîri-Ngai wakwa! Natigwa na ndûî?”

Atir 2:2

Namue mûtikathondeke kîrîkanîro wanarî kîmwe na andû arîa matûûraga vûrûrirî ûyû. Nwanginya mwomomore metha ciao cia magongoona. Nwatî mûtiavingia ûrîa naamwîrire. Mwekire ûguo nîkî?