2Maû 25:10 - ÎVUKU RÎA ÛVORO MWARO

¹⁰ Kwoguo Amazia nîwerire athigari a mbaara arîa maaumîte Isiraeli macoke kwao. Athigari a Isiraeli nîmaarakarirue mûno nî andû a Juda na nîmeenûkire marakarîte mûno.

2Maû 25:10 ပူးပေါင်းရင်းမြစ်များ

2Sam 19:43

Nao andû a Isiraeli nîmaacokerie andû a Juda atîrî, “Tue tûrî na vata maita îkûmi kûrî mûthamaki kûmûkîra wana ethîrwa nî ûmwe wenyu. Nîndûî kîratûmire mûtûnyarare? Mûtikanariganîrwe, atî nîtue twarî a mbere kwarîrîria ûvoro ûcio wîgiî gûcokia mûthamaki!” Nayo mîario ya andû a Juda yarî na ûrûrû mwîngî mûno gûkîra ya andû a Isiraeli

1Atha 12:24

“Mûtikathiî kûtharîkîra aa mûrwanyûkwe, andû a Isiraeli. Cokani muonthe wa mûndû gwake mûciî, nîûndû ûndû ûyû wîkîkîte na wendi wakwa.” Kwoguo nîmaathîkîre Ngai-Mûnene na magîcoka kwao mîciî wata ûrîa Ngai-Mûnene amaathîte.

2Maû 25:11

Nwatî Amazia nîweyûmîrîrie na agîtongoria athigari ake a mbaara na makîthiî Kîamndarî gîa cumbî. Kûu nîkuo aaûragîre athigari ngiri îkûmi a kuuma Seiru (Edomu).

2Maû 25:9

Nake Amazia nîwaûririe mûndû ûcio wa Ngai atîrî, “Nîmbîka atîa nîûndû wa sîlûva îrîa yonthe naarîvire ngîkombora athigari kuuma Isiraeli?” Nake mûndû ûcio wa Ngai nîwamûcokerie atîrî, “Ngai-Mûnene arî na ûvoti wa gûkûva ciîngî nyîngî gûkîra icio.”

Nthi 29:22

Mûndû wa mang'ûrîka nîatûmaga kûgîe na ngucanio, na mûndû wa marakara nîatûmaga kûgîe na mathîna meengî.