2Maû 24:27 - ÎVUKU RÎA ÛVORO MWARO

²⁷ Rûgano rwa anake a Joashi, maûndû marîa maarathagwa mamwîgiî na ûrîa aatumire hekarû rîngî nî rwandîke îvukuurî rîa athamaki. Rîrîa Joashi aakwire, mûvîcî Amazia nîwatuîkire mûthamaki vuva wake.

2Maû 24:27 ပူးပေါင်းရင်းမြစ်များ

2Atha 12:18

Joashi, mûthamaki ma Juda nîwocire matega monthe marîa Jehoshafati, Jehoramu, na Ahazia, athamaki a Juda maamûrîrîte Ngai-Mûnene. Nîwamonganîrîrie na matega make ke mwene vamwe na thaavu yonthe îrîa yarî mûthithûrî wa hekarû na nyomba ya mûthamaki na agîitûma cionthe irî kîveo kûrî Hazaeli mûthamaki wa Sîria. Hazaeli nîwacokire akiuma Jerusalemu.

2Atha 12:21

Aaûragirwe nî ndungata ciake, Isakaru mûvîcî wa Shimeathi marî na Jehozabadi mûvîcî wa Shomeri. Nîmaamûthikire mbîrîrarî cia athamaki kûu îtûûrarî rînene rîa Daudi, nake mûvîcî Amazia nîwatuîkire mûthamaki vuva wake.

1Maû 3:12

Joashi aarî îthe wa Amazia, Amazia aarî îthe wa Uzia, Uzia aarî îthe wa Jothamu,

2Maû 13:22

Maûndû marîa mengî monthe marîa meekirwe nî Abija arî mûthamaki, mîthiîre yake na ûrîa aaragia nîmandîke rûganorî rwa mûrathi Ido.

2Maû 16:11

Maûndû marîa mengî monthe marîa mûthamaki Asa eekire kuuma Kîammbîrîria nginya mûthiia nîmandîke îvukuurî rîa athamaki a Juda na a Isiraeli.

2Maû 20:34

Maûndû mau mengî marîa mûthamaki Jehoshafati eekire kuuma Kîammbîrîria nginya mûthiia nîmandîke rûganorî rwa Jehu, mûvîcî wa Hanani. Na nîmandîke îvukuurî rîa maûndû ma tene ma athamaki a Isiraeli.

2Maû 24:12

Mûthamaki na Jehoiada nîmaanengagîra mbeca kûrî arîa maarûngamagîrîra wîra wa gûtuma hekarû, nao nîmaandîkaga mavundi ma gûtuma nyomba na mathiga na a mbaû na andû arîa maarutaga wîra wa cuuma na gîcango nîguo matume hekarû rîngî kûrîa kwarî gûcûkangu.

2Maû 24:26

Andû arîa maavangire ûrîa makûûraga mûthamaki Joashi maarî: Zabadi mûvîcî wa Shimeathi ûrîa ng'ina aarî wa kuuma Aamoni na Jehozabadi mûvîcî wa Shimurithi ûrîa ng'ina aarî wa kuuma Moabu.

2Maû 25:1

Amazia aatuîkire mûthamaki arî na ûkûrû wa mîaka mîrongo îîrî na îtano (25). Nîwathanire arî Jerusalemu îvinda rîa mîaka mîrongo îîrî na kenda (29). Ng'ina etagwa Jehoadani wa kuuma Jerusalemu.

2Maû 9:29

Maûndû mau mengî marîa mûthamaki Solomoni eekire kuuma Kîammbîrîria nginya mûthiia nîmandîke rûganorî rwa mûrathi Nathani, Ûrathirî wa Ahija wa kuuma Shilo, na cionekirî cia mwoni Ido ûvororî wîgiî Jeroboamu mûvîcî wa Nebati.