2Maû 24:24 - ÎVUKU RÎA ÛVORO MWARO

²⁴ Wana ethîrwa athigari a mbaara a Sîria maarî anini, Ngai-Mûnene nîwatûmire mavoote athigari eengî a Juda nîûndû andû a Juda nîmaatiganîrîtie Ngai-Mûnene, Ngai wa methe mao. Ûguo nîguo mûthamaki Joashi aaverithirue.

2Maû 24:24 ပူးပေါင်းရင်းမြစ်များ

2Atha 12:17

Vîndî îo, Hazaeli, mûthamaki wa Sîria nîwatharîkîre îtûûra rînene rîa Gathu, na akîrîvoota. Hazaeli nîwacokire agîtua nîakûtharîkîra Jerusalemu.

2Maû 16:7

Kavindarî wa kau, mûrathi Hanani nîwathiîre kûrî mûthamaki Asa na akîmwîra atîrî, “Nîûndû we ûronire atî nwa wîvokire mûthamaki wa Sîria gûkîra kwîvoka Ngai-Mûnene, Ngai waku, athigari a mbaara a mûthamaki wa Sîria nîmagûtiganîria.

2Maû 22:8

Vîndî îrîa Jehu aavingagia wendi wa Ngai kûrî andû a mûciî wa Ahabu, nîwethîrîrie anene a Juda na ciana cia Ahazia, mûthamaki wa Juda na akîmaûraga.

2Maû 24:20

Roho wa Ngai nîwanyûrûrûkire kûrî Zakaria mûvîcî wa Jehoiada mûthînjîri-Ngai. Nîwarûngamire vandû andû onthe maavotaga kûmwona na akîmeera atîrî, “Ngai araûria, nîndûî gîtûmaga mune maathani ma Ngai-Mûnene! Mûtingîthatûkwa nîûndû nîmûmûregete; kwoguo wanake nîamûregete.”

2Maû 28:5

Kwoguo Ngai-Mûnene, Ngai wake nîwamûrekererie na akîvootwa nî mûthamaki wa Sîria. Mûthamaki wa Sîria nîwacokire akînyita andû eengî a Juda na akîmavira Damesiki marî mîgwate. Mûthamaki Ahazi nwa warekererue kûrî mûthamaki wa Isiraeli, ûrîa wamûvootire na akîûraga andû eengî mûno a Juda.

Isaia 13:5

Maûkîte maumîte mavûrûri ma kûraca, maumîte mîthiia yonthe ya nthî. Ngai-Mûnene arî na marakara akuuîte indo ciake cia mbaara, nîguo acûkangie nthî yonthe nîûndû wa marakara make.

Isaia 30:17

Andû ngiri îmwe nîmakaaûra nî mûndû ûmwe, na andû atano nîmagaatûma muonthe mûre. Nginya rîrîa mûgatigwa mwîkariî ta mûtî wa vendera ûrî kîrîmarî, ta rûûri rûrî îgûrû rîa karîma!

Jeremia 37:10

Nîûndû wana ethîrwa nwa mûvoote athigari onthe a mbaara a Akalidei arîa mûrarûa nao, matigare amwe ao marî agurarie, wa mûndû arî îgemarî rîake, athigari acio nîmagaûka mavîvie îtûûra rîîrî na mwaki.”

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Alawi 26:37

Mûkaavîngîcanaga mue ene takwa mûrîte mûtikaûragwe vîndî îrîa gûtarî mûndû ûmûvinyûrîtie, na mûtikaavota kûrûa na nthû cienyu.

Alawi 26:8

Andû atano enyu nî makaavoota andû îgana, nao andû îgana enyu nîmakaavoota andû ngiri îkûmi na nî mûkaavoota nthû cienyu.

Habakuku 1:12

We Ngai-Mûnene kuuma Kîammbîrîria we warî Ngai. Ûrî Ngai wakwa, mûtheru na wa tene na tene. We Ngai wakwa, mûtheru wakwa ûtakucaga, we Ngai-Mûnene nîûthuurîte Akalidei nîguo matûtuîre ciira; we Îthiga, ûmavete vinya nîguo matûverithie.

Zefania 1:2

Ngai-Mûnene arauga atîrî, “Nîngaathiria ciûmbe cionthe cia nthî:

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?