2Maû 24:22 - ÎVUKU RÎA ÛVORO MWARO

²² Mûthamaki Joashi nîwariganîrîtwe nî maûndû maro marîa eekîrîtwe nî Jehoiada, îthe wa Zekaria na nîwaûragithirie Zekaria. Zekaria agîtuîkana nîwaugire atîrî, “Ngai-Mûnene aroîtîkîra kwona ûguo mweka na andîvîrîrie!”

2Maû 24:22 ပူးပေါင်းရင်းမြစ်များ

Kîam 42:22

Reubeni nîwamerire atîrî, “Na kinthî ndiamûkaanirie mûtigeke mwanake ûcio naaî na mûkîrega kwîgua? Kîu nîkîo kîratûma tûrîvue nthakame yake.”

Kîam 9:5

Mûndû wa wonthe ûkaaûraganaga, akaaûragagwa. Nyamû wa yonthe îkaaûragaga mûndû, îkaûragagwa.

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 109:4

Wana ethîrwa nînîmendete, nîmareganaga nanie, kûnarî ûguo nînaamavoere.

Thaburi 9:13

Mbîguîra ntha, we Ngai-Mûnene! Taroria ûrîa nîrathînua nî nthû ciakwa! Mvonokia ndigakue, we Ngai-Mûnene,

Nthi 17:13

Ûngîrîvia wega na ûcûku, thîna ndîkaathira gwaku mûciî.

Jeremia 11:20

Nwatî we Ngai-Mûnene mwene vinya wonthe, ûrîa ûtucanagîra na kîvooto, we ûthimaga ngoro na meciria ma andû, tiga mone ûkîndîvîrîria kûrî andû aya, nîûndû nîwe tu ûngîtua cira wakwa.

Jeremia 51:56

Nthû nîciûkîte gûcûkangia Babuloni; athigari a kuo nîanyite; moota mao nîmaunange, nîûndû nie Ngai-Mûnene nî Ngai ûverithanagia, nwa nginya nîîrîvîrîrie.

Luka 11:51

Nîmakaaverithua nîûndû wa arathi onthe arîa maanaûraga kuuma vîndî ya Habili nginya ya Zakaria ûrîa waûragirwe arî gatagatî ka metha ya kîgongoona kîtheru na hekarû. Îni nie nîramwîra na ma atî, andû a rûciaro rûrû nîmakaaverithua nîûndû wa kûûraga andû acio onthe.

Johana 10:32

Nwatî Jesû nîwamerire atîrî, “Mue mûrî onu ngîka maûndû meengî maro mvotithîtue nî Vava; gatagatîrî ka mo nî ûndû ûrîkû ûratûma mwende kûmbûraga?”

2Tim 4:14

Alekisanda mûturi wa cuuma nîwambîkire maûndû meengî macûku. Mwathani nî akaamûrîva kûringana na ciîko ciake.

2Tim 4:16

Rîrîa naavirirwe cirarî vîndî ya mbere ngeyarîrîrie, gûtirî mûndû warî mbarî yakwa, onthe nîmaandiganîrie.

Josh 22:23

Ethîrwa nîtwaregire kwathîkîra Ngai-Mûnene na tûgîtuma metha yetû ya kîgongoona nîguo tûrutagîre magongoona ma kûvîvua kana magongoona ma irio kana ma thayû vo, Ngai-Mûnene ke mwene arotûverithia.

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

Atir 8:35

Wana matiacokeria andû a mûciî wa Gideoni ngatho nîûndû wa maûndû monthe marîa Gideoni eekîrîte andû a Isiraeli.