2Maû 24:19 - ÎVUKU RÎA ÛVORO MWARO

¹⁹ Kûnarî ûguo Ngai-Mûnene nîwatûmire arathi kûrî andû acio makameere mamûcokerere, nwatî nîmaaregire kûmathikîrîria.

2Maû 24:19 ပူးပေါင်းရင်းမြစ်များ

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Isaia 28:23

Tegani matû mwîgue ûrîa nîrauga; thikîrîriani waro mwîgue ûrîa ngwaria.

Isaia 42:23

Nû gatagatîrî kenyu ûgûtegera ûndû ûyû gûtû? Nû ûkaathikîrîria waro maûndû marîa magekîka?

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Jeremia 25:3

“Îvinda rîa mîaka mîrongo îîrî na îthatû (23) kuuma mwaka wa îkûmi na îthatû Josia mûvîcî wa Amoni, arî mûthamaki wa Juda nginya ûmûnthî, Ngai-Mûnene ethîrîtwe akîmbarîria. Vîndî îo yonthe mbîthîrîtwe ngîmûva ndûmîrîri îo ndagûtigithîrîria, nwatî mue nîmwaregire kûmîthikîrîria.

Jeremia 25:7

Kûnarî ûguo, Ngai-Mûnene arauga atî mue nîmwaregire kûmûthikîrîria. Nîmwamûrakaririe nîûndû wa mîvuanano îrîa mwerûthîîre na mûkîîretera thîna mue ene.”

Jeremia 25:8

Kwoguo Ngai-Mûnene mwene vinya wonthe arauga atîrî, “Nîûndû nîmûregete kwathîkîra ciugo ciakwa,

Jeremia 26:5

na mûthikîrîrie ciugo cia arathi ndungata ciakwa arîa mbîthîrîtwe ngîmûtûmîra vîndî wa vîndî, wana ethîrwa mûtiamathikîrîria,

Zakaria 1:4

Mûtigekare ta methe menyu ma tene arîa meerirwe nî arathi arîa maarî kuo mbere matigane na mîthiîre yao mîcûku na ciîko ciao njûku, nwatî matianthikîrîria kana mambathîkîra nie Ngai-Mûnene mwene vinya wonthe.

Mathaayo 13:9

Nake Jesû akîrîkîrîria nîwamerire atîrî, “Ûrîa wîna matû ma kwîgua nîegue!”

Luka 16:31

Nwatî Iburahimu nîwacokerie gîtonga kîu atîrî, ‘Angîthîrwa matingîthikîrîria Musa na Arathi, wana mûndû akariûka matingîmûthikîrîria.’ ”