2Maû 24:17 - ÎVUKU RÎA ÛVORO MWARO

¹⁷ Jehoiada arîkia gûkua, atongoria a Juda nîmaathiîre kûrî mûthamaki Joashi na makîmûthaitha amathikîrîrie. Nake mûthamaki nîwamathikîrîrie.

2Maû 24:17 ပူးပေါင်းရင်းမြစ်များ

2Atha 12:18

Joashi, mûthamaki ma Juda nîwocire matega monthe marîa Jehoshafati, Jehoramu, na Ahazia, athamaki a Juda maamûrîrîte Ngai-Mûnene. Nîwamonganîrîrie na matega make ke mwene vamwe na thaavu yonthe îrîa yarî mûthithûrî wa hekarû na nyomba ya mûthamaki na agîitûma cionthe irî kîveo kûrî Hazaeli mûthamaki wa Sîria. Hazaeli nîwacokire akiuma Jerusalemu.

2Maû 24:16

Jehoiada nîwathikirwe mbîrîrarî irîa ciathikagwa athamaki îtûûrarî rîa Daudi, nîûndû nîwarutîte wîra mwaro kûu Isiraeli na kûrî Ngai na hekarû yake.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

Nthi 20:19

Mûndû wa njukû ndaigaga nthitho, kwoguo ndûkanyitanîre na mûndû ûrîa waragia ûrimû.

Nthi 26:28

Mûndû ûrîa ûveenagia mûndû ûrîa wîngî nîamûmenete, na mîario ya kînyûrûri nî ya gûcûkangia.

Nthi 26:8

Kûva kîrimû gîtîîo, nîta gwikia îthiga na gîkûtha.

Nthi 29:12

Mûthamaki angîthikagîrîria maûndû ma maveeni, anene ake onthe matuîkaga aganu.

Nthi 29:5

Mûndû ûrîa ûnyûrûragia mûndû ûrîa wîngî, aigaga mûtego wa kwînyita ke mwene.

Ezek 18:24

“Nwatî mûndû mûthingu angîtiga ûthingu wake na acoke gwîka maûndû matarî ma kîvooto na acoke gwîka maûndû marî mûgiro ta marîa mekagwa nî mûndû ûrîa mwaganu, mûndû ûcio nwa atûûre mwoyo? Gûtirî ûndû wanarî ûmwe wa ciîko irîa cia ûthingu ûrîa ekîte ûkaaririkanwa, nîûndû maûndû macûku marîa matûmîte atuîka mwîvia na mevia marîa ekîte, nîmo magaatûma akue.

Danieli 11:32

Mûthamaki ûcio nîakaagucîrîria na njîra ya maveeni arîa onthe mareganîte na ndini yao, nwatî arîa marûmagîrîra Ngai nîmakaaregana nake.

Luka 11:25

Kwoguo ngoma îo yacoka kuo, nîîthagîrîria nyomba îo îrî mvate na irî njokanîrîrie waro.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

2Pet 1:15

Kwoguo nîngûgeria wa ûrîa nîngîvota nîguo wana narîkia gûkua mûkaavotaga kûririkana maûndû mama vîndî cionthe.

Atir 8:33

Gideoni arîkia gûkua, andû a Isiraeli nîmaatigire kwîvoka Ngai rîngî na makîambîrîria kûgooca Baali. Nîmaatuire Baali-berithu ngai yao.